IP: 117.*.*.* India

அஸ்ஸலாமு அலைக்கும் (வரஹ்).

இப்படி தெருவிளக்குகள் " அணையா விளக்காக " 24 மணி நேரமும் எரிவது வாடிக்கையாகிவிட்டது.

இதற்கு காரணம் மின்சார வாரியமும் , நகராட்சி மன்றமும் மட்டுமல்ல - அந்தந்த பகுதி மக்களும் , வார்டு உறுப்பினரும் சேர்ந்துதான் என்பதை நாம் அனைவரும் உணர்ந்து செயல்பட்டால் இது போன்ற வீண் விரயங்களை தடுக்கலாம்.
---------------------------------------------
பொறுப்பற்ற பதில் :

பகலிலும் விளக்குகள் ஏன் எரிகிறது என்று மின் வாரியத்தை கேட்டால், பழுது பார்க்கிறது மட்டும்தான் எங்கள் வேலை - விளக்கை எரியவிடுவதும், அணைப்பதும் நகராட்சியின் பொறுப்பு என்பார்கள்.

* ஒரு வேளை அவர்களுடைய ஒப்பந்தப்படி இது உண்மையாகக்கூட இருக்கலாம் *.

நகராட்சியை அணுகி கேட்டால் , எங்களிடம் போதிய ஊழியர்கள் இல்லை என்றோ அல்லது மின் விநியோக சுவிட்சில் பழுது , டைமர் சரியாக வேலை செய்யவில்லை அதனால்தான் இரவுப்பகலாக விளக்கு எரிகிறது என்று சொல்வார்கள். * இந்த மாதிரியான மறுமொழி ஏற்றுக்கொள்ளப்பட தக்கதல்ல*.
----------------------------------------------
நகராட்சியின் திறமையற்ற நிர்வாகம் :

நகராட்சி நிர்வாகம் போதிய ஆள் இல்லை என்ற ஒரு காரணத்தை எல்லா விசயங்களுக்கும் பயன்படுத்தவது முறையாகாது.

* குடிநீர் முறையாக திறந்துவிடப்படுவதில்லை ?

* தெரு விளக்குகள் சரியாக எரிவதில்லை ?

* குப்பைகளை தினமும் அள்ளுவதில்லை ?

இப்படியாக எந்த ஒரு செயலின் தாமதத்துக்கும் பதிலாக வருவது " நம்ம நகராட்சியில் தேவையான அளவு ஊழியர்கள் இல்லை " என்பதுதான்.

தேவையான அளவுக்கு ஊழியர்கள் இல்லை என்றால் ஊழியர்களை பெறுவதற்கான முயற்சிகளை எடுத்து போதுமான ஊழியர்களை நியமிக்க வேண்டும் - அதல்லாது போதிய ஊழியர்கள் இல்லை என்ற காரணத்தையே சொல்லி தங்களுடைய கடமைகளை செய்யாமல் தட்டிக் கழிப்பது நேர்மையான நிர்வாகத்திற்கு அழகல்ல.

பொறுப்பான பதவியில் இருப்பவர்கள் அந்த பதவிக்குரிய கண்ணியத்தை கொடுக்க வேண்டும் - அதல்லாது அந்த பதவியின் மூலம் கிடைக்கும் சம்பளத்தை பெறுவதிலோ அல்லது பெருமையை அடைவதிலோ எந்த பிரயோசனமுமில்லை.
------------------------------------------------
பொது மக்களின் பொறுப்பு :

பொதுவாக மின்சார வாரியமாகட்டும், நகராட்சிமன்ற நிர்வாகமாகட்டும் அவர்களின் சட்டதிட்டங்களின்படி , அவர்களுடைய அட்டவணைப்படி மக்களுக்கு சேவை செய்வார்கள்.

மேலும் மக்களுடைய வேண்டுகோளுக்கிணங்க எதையும் பழுது பார்க்கவும், தேவையான சேவையையும் வரைமுறைகளுக்குட்பட்டு செய்வார்கள் அது அவர்களுடைய கடமை.

அதல்லாது 24 மணிநேரமும் தெரு, தெருவாக சுற்றி எங்கே விளக்கு எரியவில்லை அல்லது வீணாக எரிகிறது என்றோ ? - குப்பையை இந்த பக்கம் அள்ளவில்லை , அந்த பக்கம் அள்ளவில்லை என்றோ ? - தண்ணீர் குழாய் உடைந்து வீணாக தண்ணீர் ஓடுகிறது என்றோ ? அவர்கள் பார்த்துக் கொண்டிருக்க மாட்டார்கள்!

எனவே மக்களாகிய நாம்தான் இந்த மாதிரியான குறைகளை அவர்களுக்கு தெரியப்படுத்த வேண்டும் இது நமது கடமை.

எங்காவது விளக்கு எரியவில்லை அல்லது வீணாக எரிகிறது என்றால் மக்கள் அந்த பகுதி கவுன்சிலரிடம் சொல்ல வேண்டும்

குப்பையை அள்ளாமல் சென்றிருந்தாலும் , தண்ணீர் வரவில்லை என்றாலும், வீணாக ஓடினாலும் அவைகளை மக்கள் முதலில் சொல்ல வேண்டியது அந்த பகுதி கவுன்சிலரிடமே.

மக்களுக்கு சேவை செய்வதற்காகத்தான் மக்கள் அவரை அந்த பகுதிக்கு தேர்ந்தெடுத்திருக்கிறார்கள் - நம்ம பகுதி மக்கள் ஒற்றுமையானவர்களாக இருந்தால் கவுன்சிலர் சுறுசுறுப்பாக இருப்பார்.

அவரை நல்லவராக வைப்பது மக்களின் பொறுப்பு.
----------------------------------------------
கவுன்சிலர்களின் கடமை :

எல்லா ஊர்களிலும் உள்ளாட்சி அமைப்புக்களில் மக்கள் கவுன்சிலர்களிடமிருந்து எதிர் பார்க்கும் முதல் மூன்று முக்கிய விசயங்கள் தண்ணீர், தெரு விளக்கு மற்றும் குப்பையை அப்புறப்படுத்துதல்.

எந்த ஒரு கவுன்சிலர் இந்த முக்கிய மூன்றையும் சரியாக செய்யவில்லையோ அல்லது செய்ய முடியவில்லையோ நிச்சயமாக அவருக்கு நல்ல பெயர் கிடைக்காது - இது உலகம் முழுவதுக்கும் பொருந்தும்.

ஆகவே நமது கவுன்சிலர்கள் அவரவர் வார்டுகளில் தினமும் வாக்கிங் சென்றாலே போதும் பாதி பிரச்சினை தீர்ந்துவிடும்.

இரவில் சென்றால் விளக்குகள் எரிகிறதா? இல்லையா? என்பதும்.

பகலில் ஒரு நேரத்தை ஒதுக்கி உங்கள் பகுதியை சுற்றி வந்தால் குப்பை சமாச்சாரம் மற்றும் தேவையானவையையும் அறிய முடியும்.

இது உங்கள் கடமை இந்த அடிப்படை சேவையை நீங்கள் செய்ய முடியவில்லை என்றால் ......................... நீங்களே தீர்மானித்துக் கொள்ள வேண்டியதுதான்.

வஸ்ஸலாம்.