IP: 49.*.*.* India

அஸ்ஸலாமு அலைக்கும்.

சகோதரர் முஹம்மது அலி மற்றும் சீனாஸ் அவர்களே,விஜயகாந்த் எதிர்க் கட்சி தலைவர் ஆகி ஒன்னோ,இரண்டோ வருடங்கள் ஆகிவிட வில்லை. ஆறு மாதம் தான் ஆகிறது,ஆட்சி துவங்கி நூறாவது நாளில் எல்லா தலைவரிடமும் பத்திரிக்கை நண்பர்கள் ஆட்சி பற்றி கருத்துக் கேட்டார்கள்,ஒவ்வொரு தலைவர்களும் கூட்டணி கட்சியாக இருந்தால் ஆதரவான கருத்தையும்,எதிர்க் கட்சியாக இருந்தால் எதிரான கருத்தையும் சொல்லிக் கொண்டிருந்த நிலையில்,கேப்டனிடம் வந்து உங்களின் கருத்து என்ன?என்று கேட்டார்கள்.ஆட்சிக்கு வந்து நூறு நாள் தான் ஆகிறது.ஆறு மாதங்கள் போகட்டும் சொல்கிறேன் என்று சொல்லிவிட்டார். ஆறு மாதங்கள் கழித்து தமிழக அரசு பால் கட்டணம்,பஸ் கட்டணம் மிகக் கடுமையான அளவில் கூட்டியது.

அப்போது முதன் முதலாக தமிழக அரசுக்கு எதிராக மாபெரும் கண்டன அறிக்கை விட்டு,தமிழகம் முழுவதும் உண்ணா விரத போராட்டம் நடத்தியவர் கேப்டன் மட்டுமே.அதற்குப் பிறகுதான் மற்றக் கட்சிகள் நடத்தின.

அதேபோல் நடுக் கடலில் தமிழ் அப்பாவி மீனவர்கள் சுட்டுக் கொள்ளப்படுவதை கண்டித்து முதன் முதலில் ராமேஸ்வரம் சென்று போராட்டம் நடத்தியவர் கேப்ட்டன் மட்டுமே,அதற்குப் பிறகுதான் மற்றக் கட்சிகள் நடத்தின.தென் தமிழக விவசாயத்திற்கு மிகப் பெரும் நீர் ஆதாரமாக இருக்கும் முல்லைப் பெரியார் பிரச்சனையிலும் முதன் முதலில் போராட்டம் நடத்திய அரசியல் கட்சி தே.மு.தி.க.தான்.

கூடங்குளம் அணு மின் நிலைய விவகாரத்தில் உண்ணாவிரதம் இருந்த மக்களை நேரில் சென்று ஆதரவு தெரிவித்த அரசியல் தலைவர் கேப்டன் தான்.இந்த எல்லா விசயத்திலும் இரட்டை வேடம் போடும் பாரதப் பிரதமர் தமிழகம் வருகையை ஒட்டி கறுப்புக் கொடி போராட்டம் முதன் முதலில் அறிவித்து கைதான தலைவரும்,கேப்டனும் அவருடைய கட்சியினரும் தான்.எதிர்க் கட்சி தலைவராக இருந்து வேறே என்ன செய்யவேண்டும் இதற்க்குமேல்.மற்ற தலைவர்களைப் போன்று வீட்டில் இருந்து பிரதமருக்கு கடிதம் எழுதினால் மட்டும் போதுமா?

மக்களுக்காக களத்தில் இறங்கி போராடக் கூடியவன்தான் தலைவன்.அதில்லாமல் தொண்டர்களை மட்டும் போராட விட்டு தான் வீட்டில் தோழியுடன் இருந்து வேடிக்கைப் பார்ப்பதும்,பொது மக்களுக்காக பிரதமருக்கு கடிதம் மட்டும் எழுதி,தன் மக்களுக்காக டெல்லிக்கு நேரடியாக செல்லக் கூடியவர்கள் உண்மையான தலைவர்கள் இல்லை.படித்த,அறிவுள்ள நீங்களுமா இதைக் கூட யோசிக்கத் தெரியாமல் இருக்கிறீர்கள்.

தீ குளிப்பது அவர்களுக்கு டீ குடிப்பது மாதிரி என்று சொல்லி இருக்கிறீர்கள்.அதை இங்கே சொல்லி இருக்க வேண்டிய அவசியம் இல்லை.அது அவரவர் கொள்கை.எங்களுடைய கொள்கை அதுவல்ல. விஜயகாந்த் தப்பு செய்தாலும் நாங்கள் கண்டிப்போம்.அது தான் எங்களுடைய கொள்கை,அவர்களை சொல்லும் போது டென்ஷன் ஆகிறீர்கள் என்றில்லை.ஒரு கருத்தை சொல்வதற்கு ஒரு வரை முறை இருக்கு.என்னைப் பொருத்தவரை நல்லது செய்பவர்களை ஆதரிப்பவன்.தப்பானவர்களில் நின்றும் விலகி நிற்பவன்.இன்றைய அரசியல் தலைவர்களில் இவரை எனக்கு நல்லவர்ரக தெரிகிறது.நான் ஆதரிக்கிறேன்.அதே நேரத்தில் மற்ற அரசியல் கட்சியைப் போல் தான் இதுவும் என்று தெரிந்தால் நான் உடனே விலகிவிடுவேன்.

யாருக்கும் சப்பைக் கட்டு கட்டவோ,ஜால்ரா அடிக்கவோ எனக்கு தெரியாது.அவசியமும் இல்லை.இந்த விளக்கம் புரியக் கூடிய அறிவுள்ளவர்கள் புரிந்துக் கொள்வார்கள்.புரியக் கூடிய சக்தி இல்லாத்தவர்களுக்கு அல்லாஹ் புரியக் கூடிய சக்தியைக் கொடுப்பானாக.ஆமீன்.அஸ்ஸலாமு அலைக்கும்.