IP: 59.*.*.* India

சகோதரர் மெஹர் அலி அவர்கள் இந்தியாவின் தூதுவராக அமெரிக்கா.செல்வது போலவும் அவருக்கு மருத்துவ பரிசோதனை செய்து அனுப்பும் மருத்துவர் போல இத்ரீஸ் டாக்டர் அவர்கள் பக்கத்தில் அமர்ந்திருப்பதும் ஒரு அற்புதமான கற்பனை.

துணைத்தலைவர் அவர்களே வாருங்கள். 18 ஆண்டு காலங்கள் தம்மாமில் துணைதலைவராக பணியாற்றுவது ஒரு பெரிய காரியமல்ல. ஏனெனில் அங்கு இருக்கும்போது நாம் எல்லோரும் காயல்பட்டினத்தில் பிறந்தவர்கள், அந்த ஊருக்காக அந்த மக்களுக்காக நம்மால் ஆன உதவிகளை செய்ய வேண்டும் என்ற எண்ணம் எல்லோருக்கும் மேலோங்கி நிற்கும்.

ஆனால் காயல்பட்டினம் மண்ணில் கால் வைத்தபிறகு அந்த எண்ணங்கள் நீங்கள் பயணித்த விமானத்தில் உங்கள் பொதிகளை மறந்து விட்டு வந்ததுபோல் ஆகிவிடும். இங்கே நீங்கள் உங்கள் அடையாளத்தை வெளிப்படுத்த வேண்டும். தெரு, முஹல்லாஹ், கொள்கை, கட்சி, இப்படி பல விஷயங்களுக்கு முகம் கொடுக்க வேண்டி இருக்கும்.

நான் இதே தம்மாம் காயல்நல மன்றத்தின் செயலாளராக இருந்தேன், ரியாத் காயல் அலையன்ஸ் கமிட்டி துணைதலைவராக இருந்தேன். ஆனால் இங்கு வந்து ஒரு கமிட்டியிலும் உறுப்பினராக மனம் இடம் தரவில்லை. எதில் சேர்ந்தாலும் ஒரு முத்திரை குத்தி விடுவார்கள். நியாய அநியாயங்கள் பேச முடியாது, ஒருவகையான இறுக்கம் மனதில் சூழ்ந்து கொள்கிறது. வாருங்கள், இந்த அசாதாரண நிலையை மாற்ற முயற்சிப்போம். அதற்காக நீங்கள் புதிதாக ஒரு இயக்கத்தை ஆரம்பிக்க தேவை இல்லை. விட்டுக்கொடுத்தல், மன்னித்தல், மறந்து விடுதல், பெருந்தன்மையுடன் நடந்து கொள்ளுதல், நான் தான் எல்லாம் என்ற ஈகோவை புறந்தள்ளுதல், கனிவாக பேசுதல், மற்றவர்களின் உள்ளங்களை உணர்வுகளை காயப்படுத்தாமல் காய்களை நகர்த்துதல் இதுபோன்ற எத்தனையோ நல்ல பண்புகள் இங்கு அரிதாக இருக்கிறது. உங்கள் 18 வருட அனுபவம் எங்களை எல்லாம் வழி நடத்தும் என்ற எதிர்பார்ப்புடன் உங்களை இருகரம் நீட்டி வரவேற்கிறேன்.உங்கள் நற்பணிகளை அல்லாஹ் கபூல் செய்வானாக. உங்கள் பயணங்கள் பாதுகாப்பானதாகவும் சுகமானதாகவும் அமைய அருள்புரிவானாக.

அமீன். உங்கள் இதயம் நிறைந்த மக்கி நூஹுதம்பி