IP: 59.*.*.* India

காயல் மகபூப் அவர்களின் உணர்வுகளும் ஆதங்கமும் நியாயமானதாக இருக்கலாம். அவர் இந்த ஊரின் நன்மைக்காக உழைத்து கொண்டிருப்பதை யாரும் மறுக்க முடியாது. ஆனாலும் அவர் மகான் அல்ல, மனிதன் என்ற முறையில் சில அணுகுமுறைகள் தவறாக போகலாம், அதனால் தோல்விகளும் ஏற்படலாம். தோல்விகளுக்கு பிறரை காரணியாக்கி கொண்டு, மனதில் வன்மம் வளர்த்துக்கொண்டிருந்தால் அடுத்த அடி எடுத்து வைக்க முடியாது என்பதை பாரம்பரியம் மிக்க முஸ்லிம் லீகில் மிக பொறுப்பு வாய்ந்த இடத்தில இருப்பவர் சிந்தித்து சகோதரர் அபூபக்கர் அவர்களின் உணர்வுகளையும் அவர் சூசகமாக கூட்டத்தில் பதிவு செய்த கருத்துக்களையும் மனதில் கொண்டு தொடர்ந்து செயலாற்றுங்கள்.

1967 முஸ்லிம் லீகின் வசந்த காலம்.பேரறிஞர் அண்ணா அவர்கள் கூட்டணி என்ற ஒரு அஸ்திரத்தை முதன்முறையாக மக்கள் முன் வீசி, எல்லா கட்சிகளையும் ஒருங்கிணைத்து, சரித்திர புகழ் பெற்று இமாலய வெற்றி பெற்றார்.எத்தனை இடங்கள் தருவீர்கள் என்று காயிதே மில்லத் அவர்கள் அண்ணாவிடம் கேட்க, உங்களுக்கு எத்தனை இடம் வேண்டும் என்று கேட்டு அவர்கள் கேட்ட இடங்களை கொடுத்து முஸ்லிம் களின் இதயத்தில் இடம் பிடித்தார் அண்ணா. ஆனால் அவர் மட்டும் நடேச முதலியாரிடம் தோற்றுப்போனார்.

பெருந்தலைவர் காமராஜர் THE KING MAKER என்று போற்றப்பட்டவர் அடையாளம் தெரியாத ஸ்ரீநிவாசன் என்பவரிடம் தோற்றுப்போனார். இதெல்லாம் எதை காட்டுகிறது இவர்களெல்லாம் இப்படி புலம்பிக்கொண்டிருக்கவில்லை. மக்கள் தீர்ப்புக்கு தலைவணங்குகிறோம் என்று சொன்னார்கள்.அந்த உயர்ந்த உள்ளங்களுக்கு சொந்தக்காரராக நீங்களும் ஆகிவிடுங்கள், மனப்பாரம் குறைந்து விடும். நீங்கள் ஒன்றை பேச, இன்னொருவர் கூட்டம் போட்டு இதற்கு மறுப்பு தெரிவிக்க, தோல்விகள் தொடர்கதையாகி விடக்கூடாது.உங்களுக்கு யோசனை சொல்லும் அருகதை எனக்கு இல்லை, என்றாலும் எனது கருத்துக்களை சொல்லும் சுதந்திரம் எனக்கு இருப்பதால் இதை சமுதாய நலன்கருதி இந்த இணைய தளத்தில் பதிவு செய்கிறேன்.

மக்கி நூஹுத்தம்பி