IP: 117.*.*.* India

அஸ்ஸலாமு அலைக்கும் (வரஹ்).

சிங்கை மாநகர் காயல் நல மன்றத்தின் வருடாந்திர பொதுக்குழுக் கூட்டம் மிகச் சிறப்பாக நடை பெற்று , அதன் மூலம் உங்களையும், எங்களையும் அகமகிழச்செய்த வல்ல அல்லாஹுவுக்கே எல்லாப் புகழும் - அல்ஹம்துலில்லாஹ்!.

விருந்து உபசரிப்பு முதல் சிறப்பு விருந்தினரை உபசரித்ததுவரை , மழலையர் போட்டி முதல் மகளிர் அரட்டை வரை மட்டுமா ? குச்சி போட்டி முதல் குர்ஆன் மனன போட்டி என்று பல நிகழ்ச்சிகளையும் சிறப்பாக செய்து இருப்பதுடன் கால்பந்து விளையாட்டு மற்றும் நடை பயிற்சியும் மேற்கொண்டு , சிங்கையில் பணிபுரியும் நம் ஊர் மக்களையும் அவர்கள் குடும்பத்தினரையும் எந்த ஒரு மன சோர்வும் ஏற்படா வண்ணம் , மகிழ்ச்சியாய் வாழ வழி காட்டும் சிங்கப்பூர் காயல் நல மன்றத்திற்கு பாராட்டுக்கள் - மன்றம் மென்மேலும் சிறக்க வாழ்த்துக்கள்.

ஒருநாள் ஊதிய நன்கொடை என்ற திட்டம் மிகவும் சிறந்த திட்டம் அதை செயலில் கொண்டு வந்திருக்கும் உங்கள் அனைவருக்கும் அல்லாஹ்! ரஹ்மத்துச் செய்வானாக.

பழைய, புதிய செயற்குழு உறுப்பினர்களுக்கு பாராட்டுக்களும் - வாழ்த்துக்களும் உரித்தாகுக.

வல்ல அல்லாஹ்! உங்கள் மன்ற அங்கத்தினர் அனைவருக்கும் சிறந்த வாழ்வை தர 'துஆ' செய்கிறோம் .
---------------------------------------------------
" சிங்கப்பூர் காயல் நல மன்றத்தின் வருடாந்திர பொதுக்குழுக் கூட்டம் மற்றும் குடும்ப சங்கம நிகழ்ச்சிகள்" எல்லாமே மிக சிறப்பாக நடந்திருக்கிறது - அதில் குறை காண எதுவுமில்லை அல்ஹம்துலில்லாஹ்!.

இருந்த போதிலும் உங்கள் அனைவரிடமும் ஒரு சின்ன வேண்டுகோள்!

இன்றைய கால சூழலில் பெண்கள் அதிலும் சிறுமிகள் ஆடை அணிவதில் மிகுந்த குறைகள் / குழப்பங்கள் உருவாகி கொண்டிருக்கிறது - என்பதை நினைவுப் படுத்த விரும்புகிறேன்.

நமதூரில் 3 வயது சிறுமியிலிருந்து 10 , 12வயது சிறுமி (?) வரை கையில்லாத ( SLEEVLESS ) சட்டைகள் போடுவது இன்று நாகரீகமாக இருக்கிறது. 3 வயதுதான் என்றாலும்கூட அந்த பழக்கத்தை ஏற்படுத்துவது நல்லதல்ல என்பதை அன்பாகவும் அதே நேரத்தில் வேதனையாகவும் தெரியப்படுத்திக்கொள்கிறேன்.

ஆகவே, தயவு செய்து ஆடைகள் விசயத்தில் கவனமாக இருந்து இறைவனுக்கு பயந்து நடந்து கொள்ளுங்கள். எல்லாம் வல்ல அல்லாஹ்! நம் மக்கள் அனைவரையும் நேரான பாதையில் சென்று அவனுடைய தண்டனையிலிருந்து தப்பிக்க கிருபை செய்வானாக ஆமீன். வஸ்ஸலாம்.