IP: 2.*.*.* Saudi Arabia

சகோ. ஆடிட்டர் புஹாரி காக்கா அவர்களுக்கு மில்லியன் பாராட்டுக்கள், கூடவே கலந்து கொண்ட அனைத்து நல் உள்ளங்களுக்கும்.

உம்ரா வந்தோமா, கிரிகைகளை எல்லாம் செய்தோமா, நல்ல ரெஸ்ட் எடுத்தோமா, நல்ல சாப்பிட்டோமா, கடை கடையாய் சென்று சாமான்கள் வாங்கினோமா என்று இருக்காமால், நம் சகோதரர்களை சந்திக்கனும், அவர்களுடன் உணர்வுகளை பகிர்ந்துக்கொள்ளனும், ஊர் நன்மைக்காக பல திட்டங்களை செய்யணும் என்ற இந்த நல்ல உணர்வுகளுக்காக தான் அவர்களை பாராட்டி கமெண்ட்ஸ் அடிக்க கை துரு துருக்கின்றது.

தற்போது எந்த காயல் நலமன்றதிற்க்கும் கல்விக்கு என்று எந்த விண்ணப்பமும் வருவது இல்லை.காரணம் வலுவான " இக்ரஃ " என்ற அமைப்பு இருப்பதால். ஏன், வீடுகளில் யாராவது கல்விக்கு என்று உதவி கேட்டால், நம் பெண்மணிகள் உடனே இக்ரஃ விற்கு சென்று விண்ணப்பம் கொடுங்கள் என்று கூறி விடுகிறார்கள், காரணம் விழிப்புணர்வு.

ஆனால் இந்த விழிப்புணர்வு மருத்துவ உதவியில் இல்லை. மருத்துவ உதவி தேவை என்றால், உடனே பெறுனர் விலாசம் காலியாக ஒரு மனு டைப் பண்ணி, அதை 20 காப்பி எடுத்து, பெறுனர் அட்ரசில் ஒவ்வொரு காயல் நலமன்ற விலாசத்தை எழுதி அனுப்பிவிடுகிறார்கள்.

* இந்த நலமன்றம் உதவி செய்யும் என்று இவர்கள் இருந்து விடுகிறார்கள், இவர்கள் செய்வார்கள் என்று அவர்கள் இருந்து விடுகிறார்கள்.

• அல்லது, இவ்வளவு தொகை நம்மால் கொடுக்க முடியாது என்று கம்… என்று மனுவை கிடப்பில் போட்டு விடுகிறார்கள்.

• இல்லை, அனைத்து மன்றங்களும் உதவி செய்து அவர்களுக்கு தேவைக்கு அதிகமாக பணம் கிடைத்து, மற்ற பயனாளிகளுக்கு கிடைக்காமல் ஆகிவிடுகின்றது.

ஆகவே மருத்துவத்திற்கும் ஒருங்கிணைந்த ஒரு அமைப்பு கண்டிப்பாக தேவை. பல சமயங்களில் அரசாங்க காப்பீடு திட்டத்திலே அனைத்தையும் சாதித்து விடலாம். ஆக, நம் மக்களிடம் ஒரு விழிப்புணர்வை கொண்டு வரனும், கல்விக்கு மாதிரி.

இந்த மருத்துவ உதவிக்கு, தற்போது “மைக்ரோ காயல்” என்று ஒரு அமைப்பை நம் சகோதரர்கள் உருவாக்கி, அருமையாக உதவி வருகிறார்கள். அந்த அமைப்பை அனைத்து காயல் நலமன்றங்களும் அங்கீகரித்து, ஒரு வலு உள்ள அமைப்பாக உருவாக்கலாமே.

அதிகம் ஒன்றும் கஷ்டம் இல்லை. இனி எந்த மருத்துவ உதவியாக இருந்தாலும் இந்த மைக்ரோ காயல் என்ற அமைப்புக்கு தான் அனுப்பனும்.

நல மன்றத்திற்கு வரும் விண்ணப்பங்களை மைக்ரோ காயலுக்கு அனுப்பி, உங்களுடைய உதவித்தொகை எவ்வளவு அங்கீகரித்து உள்ளீர்களோ அதையும் அனுப்பினால், பற்றாக்குறை உள்ள தொகைகளை மற்ற நல மன்றமோ, நல் உள்ளங்களோ நிவர்த்தி செய்வார்கள்.

ஒருங்கிணைந்த சேவை, துரித நடவடிக்கை, DUPLICATION வருவதை தவிர்த்தல் போன்ற விசயங்களை கருத்தில் கொண்டு இருக்கும் அமைப்பான மைக்ரோ காயலை பயன் படுத்தலாமே..!!

வறுமை இல்லாத, கல்வி அறிவு மேம்பட்ட, நோய்கள் இல்லாத, பசுமை காயலை சீக்கிரம் உருவாக்க வல்ல ரஹ்மான் துணை புரிவானாக.. இன்ஷா அல்லாஹ் கூடிய சீக்கிரம் நடக்கும்.

சாளை S.I.ஜியாவுத்தீன், அல்கோபார்