IP: 195.*.*.* United Arab Emirates

வாழ்த்துக்கள். காவாலங்கா மற்றும் இக்ராஃ - வின் இவ்வமர்வு பொதுவாக "தாழ்வு மனப்பான்மை" என்ற நோயை போக்குவதற்கான ஓர் அருமையான மருத்துவ முகாம் எனலாம். ஆம் அந்த தா.ம. தான் வெற்றியின் மிகப்பெரிய எதிரி. "அருமை உடைத்தென்று அசாவாமை வேண்டும் பெருமை முயற்சி தரும்" (நம்மால் இதைச் செய்ய முடியாது என்று மனம் தளரக்கூடாது. அதைச் செய்து முடிக்கும் ஆற்றலை முயற்சி தரும்) என்ற திருக்குறளுக்கு ஏற்ப தேர்வில் வெற்றி வாய்ப்பு கை நழுவிப்போன மாணாக்கர்கள் முயற்சி செய்து வெற்றிக்கனியை பறித்திட வேண்டும்.

நிகழ்வில் கலந்து ஆலோசனைகள் பெற்ற 3 வருங்கால பட்டதாரி / முனைவர் / பொறியாளர் / மருத்துவர் / தொழிலதிபர் ஆகியோருக்கு எனது வாழ்த்துக்கள்.

கருத்துப்புயல் (து.த.-த.கா.ந.ம.) அவர்களின் கவலை நியாயமானதே. தேர்வில் வெற்றி பெற முடியாமல் போனதற்காக கவலையுற்று வீட்டில் அடைந்து கிடப்பதால் பயனில்லை சகோதரா. நம் இந்தியாவின் உயரிய படிப்புகளில் ஒன்றான “இந்திய ஆட்சிப் பணி” தேர்வுகளில் ஒரே முயற்சியில் வெற்றி பெற்று பதவியில் அமர்ந்தவர்களை விட பல முயற்சிக்கு பிற்பாடு வெற்றிக்கனியை பறித்து பதவிகளில் அமர்ந்தவர்களே அதிகம்.

ஏன் அவ்வளவு? 10 வகுப்பு வரை மட்டுமே படித்து இளநிலை உதவியாளராக அரசுப்பணியில் அமர்ந்து பதவி உயர்வுகள் பல பெற்று அதிகபட்சமாக மாவட்ட ஆட்சியர் பதவியில் சில வருடங்களுக்கு முன்னர் அமர்த்தப்பட்டவர்களும் உண்டு.

எனவே துவண்டு விடல் கூடாது சகோதரா தூங்கி விடவும் கூடாது. பிறர் இகழ்வதை எல்லாம் சட்டை செய்யாது புறப்படு வெற்றியை மட்டுமே குறிக்கோளாகக் கொண்டு. அதுவும் உன் போன்றோருக்கு ஊக்கமும் ஆக்கமும் கொடுக்க புறப்பட்டிருக்கும் "காவாலங்கா" போன்ற நல உள்ளங்களோடு. முடியும் என்று மட்டுமே சொல். மீண்டும் மீண்டும் சொல். "YES WE CAN" என்ற ஒரு வாக்கியத்தை தொடராக முழங்கியதே பராக் ஹுசைன் ஒபாமா அமெரிக்க அதிபர் தேர்தலில் வெற்றி பெற வழி வகுத்தது.