IP: 188.*.*.* Saudi Arabia

குற்றச்சாட்டுகளும் பதில் குற்றச்சாட்டுகளும் எனும் தலைப்பில் சகோதரர் சாளை-அப்ப்து ரஜாக் லுக்மான் எழுதிய கருத்துக்கள் கிளிப்பிள்ளைக்கு சொல்லிக் கொடுத்தாற்போல் கனக்கச்சிதமான வார்த்தைகளால் வடிவமைக்கப்பட்டுள்ளது.

எந்த காலத்தில் நகர்மன்ற நிகழ்வுகளைப் பற்றி நாம் இப்படி அலசினோம்? ஆராய்ந்தோம்? இது ஒன்றே போதும் மக்கள் மாக்களல்ல என்பதற்கு! தெளிவு பெற்று விழிப்புடன் எம் காயலர்கள் இருந்து ஆயிரம் கேள்விக் கனைகளைத் தொடுத்து வருகின்றனர். இதில் ஆதரவாகவும், எதிப்பாகவும் பல பதிப்புகள் வந்துள்ளன.

நகராட்சிக்கு உறுப்பினராகப் “போகிறவங்கெல்லாம் புதையல் எடுக்கலாம்” எனும் சித்தாந்தம் ஒழிந்து விட்டது. கனவில் கூட கை நீட்ட முடியாத படி கண் விழித்துக் காத்திருக்கும் இணையதளங்களில் கழுகுப் பார்வையில் திக்குமுக்காடி தினறியதால் தாம் இன்று இணையதளங்களுக்கு தடை போடத் துடிக்கின்றனர்.

ஒரு காலத்தில் நகராட்சி என்பது பரிசுத்தமான தலைவர்களால் வழி நடத்தப்பட்டு தொலை நோக்குச் சிந்தனையோடு நம் மக்களுக்கு அரும் பணியாற்றி அல்லாஹ்வின் திருப்பொருத்ததை அடைந்த பெரியவர்கள் பலர். அதுவே காலப்போக்கில் கழிசடைகளின் கூடாரமாகி ஊழல் ஊற்றெடுத்துப் பெருக ஊறித்திளைத்து உடம்பை வளர்க்க பயன்படும் சத்திரமாக மாறிவிட்டது.

நல்உள்ளம் படைத்த பலரும் அதில் புகுந்து மூச்சுத் தினறி, விட்டால் போதும் எனம் நிலையில் வெளியேறினர்.

இந்நிலையில் நகர்மன்றம் பல மர்மங்கள் நிறைந்த அலிபாபா குகை போல தொட்டால் காசு! விட்டால் காசு! என மக்களுக்கு சேவையாற்றி வந்தது. செல்வாக்கு உள்ள பலரும் சொல்வாக்குகளால் செழிப்பாக இருந்து வந்தனர்.

இன்றைய நிலை அப்படியில்லை! மிகப்பெரிய மாற்றமும், தெளிவும் மக்களிடையே விழிப்புணர்வும் மேலோங்கியிருப்பதால்தான் இச்செய்திக்கு இத்தனை கமெண்ட்ஸுகள்!

இந்த முன்னேற்றத்திற்கு மூலகாரணமானவர்களை வசைபாடிகள் என்றோ? ரசிககள் என்றோ? துதிபாடிகள் என்றோ? முனாஃபிக் என்றோ? கண்மூடித்தனமான ஆதரவாளர்கள் என்றோ? பொய்யன், பிதற்றல்வாதி, காசுக்கு கருத்தெழுதுகின்றவன் என்றோ? இன்னும் ஒருபடி மேலே போய், மாநபி பெருமானார் அவர்களுக்கு மக்காவில் இடையூறு செய்த மகாக் கொடியவர்களான அபுஜஹில், அபுலஹப், உத்பா, சைபா போன்றவன் என்றோ? அழைப்பவர்கள் அழைக்கட்டும்!

இது போன்ற வசைமொழிகளைத் தெரிந்தோ? தெரியாமலோ? மக்களின் விழிப்புணவுக்கு ஒரு சிறு பங்களித்த எம் போன்றோர் சகித்தேதான் ஆக வேண்டும். தவறு செய்த யாரும் அந்த வல்லோனின் பார்வையிலிருந்து தப்ப முடியாது!

இனி வருங்காலங்களிலாவது நம் நகர்மன்றம் நல்லதோர் நகர்மன்றமாகச் செயல்பட்டு மற்ற நகர்மன்றங்களுக்கெல்லாம் முன் உதாரணமாகத் திகழ வாழ்த்துகின்றேன். இன்ஷா அல்லாஹ்! திகழும்!

(முற்றும்)

-ராபியா மணாளன்.

Moderator: Comment edited!