IP: 37.*.*.* Saudi Arabia

எங்கள் பகுதியில் எங்களை பயமுறுத்திய, எங்கள் மாமியின் காலை பதம் பார்த்த, ஒரு வீராப்பு நாயை பிடித்து போனார்கள். மகிழ்வாக இருந்தது.. எவ்வளவு நாட்கள் என்னிடம் தப்பிச்சென்றது.. ங்..ங்...கொய்யாலே...

நகராட்சிக்கு சென்று பார்த்தேன். மிகவும் அமைதியாகவும், அவர்கள் கொக்கியை வண்டிக்குள் விட்டதும் பயத்துடன், கால்கள் வெட.. வெட. என ஆடி, காலை தூக்காமலே உச்சா அடித்து, சுருண்டு விட்டது. அப்புறம் என்ன.. அறுப்பு தான்.

(அனைத்தையும் மொபைலில் பதிவு செய்து, இந்த நாயால் கடிபட்டு, ஊசிகள் பல போட்டு, நொந்து போன என் மாமியிடம் காட்டியதும், அவர்கள் சொன்னது..

" பாவம் இப்படியா வாய் இல்லா ஜீவனை கஷ்டப்படுதுறாங்க...!! " ,

எனக்கு தலை சுற்றாத குறைதான்..!!)

** ப்ளூ கிராஸ் காரர்களின் தயவால், இந்த நாய்கள் உயிருடன் இருக்கின்றன. இல்லை என்றால் அனைத்துக்கும் சில நொடிகளில் சங்கு தான்.

*** நல்லதா போய்விட்டது, இந்த ப்ளூ கிராஸ் காரர்கள் மன்னர் காலத்தில் இல்லாமல் போனார்கள். இருந்திருந்தால் குதிரைப்படை, யானைப்படை இருந்திருக்குமா, ஒரு போராவது நடந்து இருக்குமா அட்லீஸ்ட் மன்னராவது யானையில் நகர் வலம் வரமுடியுமா..?

சரிங்க.. பல தடவைகள் நான் கவனித்ததில், பிடிபட்ட அனைத்து நாய்களும் ஆணாகவே இருக்கின்றதே..!! பெண் நாய்களை பிடிக்கவே மாட்டீர்களா? பெண் நாய்க்கு கருத்தடை செய்வது அவ்வளவு கஷ்டமா? அல்லது ஆட்சி அம்மாவுடைய ஆட்சியா!!

சாளை S.I.ஜியாவுத்தீன், அல்கோபார்