Re:காயல் கடற்கரை நகர்: என் எ... posted byK S Muhamed shuaib (Kayalpatinam)[26 February 2012] IP: 180.*.*.* India | Comment Reference Number: 20931
காவல்துறை முன்னாள் அதிகாரி முகமது அலி அவர்களோடு நமதூர் மாணவர்கள் இவ்வளவு பேர் படித்திருக்கிறார்கள் என்பதை நினனக்கும்போது ஆச்சர்யமாக இருக்கிறது. கம்பீரமான மீசையோடும் ஆகிருதியான உடலோடும் அவர் போலிஸ் உடையில் நிற்கும் கோலம் இப்போதும் நினைவில் நிற்கிறது.
மறைந்த முதல்வர் எம்.ஜி.ஆர் அவர்களின் நம்பிக்கைக்கு உரிய காவல்துறை அதிகாரியாக அவர் இருந்தார்.
திருசெந்தூர் இடைத்தேர்தலின் போது நடந்த எம்.ஜி.ஆர் மீது நடந்த கல்லெறி சம்பவம் குறித்து இங்கு பலரும் பலவிதமான தகவல்களை குறிப்பிட்டுள்ளனர். ஆனால் எல்லாமே அரை உண்மைகள்தான். காயல் நகருக்கு எம்.ஜி.ஆரின் வருகையை பொறுக்காத சிலரால் திட்டமிட்டு உருவாக்கப்பட்டசம்பவம்தான் அது.
எம்.ஜி.ஆரின் வருகையும் அவரது பயண வழித்தடமும் ஏற்கனவே முடிவு செய்யப்பட்டு காவல் துரையின் ஒப்புதல் பெறப்பட்டது. இந்நிலையில் வேண்டுமென்றே சில விஷமிகள் திடீரென பெரிய சதுக்கை முனை அருகே ஒரு பொதுக்கூட்டத்திற்கு ஏற்பாடு செய்தனர். ஒரு முதல்வர் வரும் பாதையில் இப்படி ஒரு பொதுக்கூட்டம் நடைபெறும் என கட்சிக்காரர்களோ அல்லது காவல் துறைனரோ எதிர்பார்க்கவில்லை.
விஷமிகள் திட்டப்படியே எல்லாமும் நடந்தது. எம்,ஜி,ஆரை நோக்கி கடும் வசைமொழிகள் பொழியப்பட்டன". எம்.ஜி.ஆரே திரும்பி போ "என காட்டுக்கூச்சல் எழுந்தது. சிலர் செருப்பை தூக்கிக்காட்டினர் .இன்று அதில் சம்பந்தப்பட்ட பெரிய மனிதர்கள் யாரும் உயிரோடு இல்லை. காலமாகி விட்டார்கள். எனக்கு தெரிந்து காலமாகி விட்ட நமதூரின் மிக பிரபலமான மார்க்க அறிந்சர் ஒருவரும் இதில் அடக்கம்.
தம்பி விளக்கு எஸ்.எம். எ.சொல்வது போல எம்.ஜி.ஆரின் வாகனம் மீது கல் எதுவும் படவில்லை. அது ஒன்றினால்தான் அன்று அப்பகுதி மக்கள் பிழைத்தனர். இல்லையெனில் அன்றைக்கு ஏற்பட்டிருக்க கூடியது சர்வ நாசம்தான்.
எம்,ஜி,ஆரே உத்தரவு இட்ட போதிலும் கட்சிக்காரர்கள் பிரித்து மேய்ந்திருப்பார்கள்.இதுவே அவர்கள் அன்றும் இன்றும் போற்றக்கூடிய தலைவருக்கு நிகழ்ந்திருக்குமானால் நடந்திருப்பதே வேறு. அதை நினைத்து இன்றைக்கு வேண்டுமானால் நிறையப்பேர் வருத்தப்படலாம். அனால் அன்றைக்கு அதை ஒரு சாதனையாக சொல்லிக்கொண்டு திரிந்தவர்கள்தான் அதிகம்
இவ்வளவெல்லாம் செய்தும் இவர்களின் வாக்கையும் மனதையும் ஆக்ரமித்த தலைவர் இவர்களுக்கும் இவர்கள் வாழும் இந்த ஊருக்கும் செய்த நன்மை என்ன...? எதுவுமில்லை.
தாங்கள் அன்று செய்தது தவறு என்று ஒரு சதவீதமாவது உணர்ந்தாலும் அவர்களின் சிந்தனைத்திறன் மேம்பட்டிருக்கிறது என்றே சொல்லலாம்.
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
India
