IP: 84.*.*.* Saudi Arabia

தேய்பிறை போன்று தென்பட்ட தாய்ச்சபை இன்று நமதூரின் இளைஞர் அபூபக்கர் காக்கா போன்றோர்களால் மீண்டும் எழுச்சி அடைவதை எண்ணி மனதார மகிழ்ச்சியடைந்தவர்களில் நானும் ஒருவன். ஆனால், அவ்வப்போது இப்படி திருஷ்டி கழிக்கும் சம்பவங்கள் நடப்பதுதான் வேதனையாக உள்ளது.

நமதூரில் மட்டுமல்ல, ஒட்டுமொத்த தென் மாவட்டங்களிலும் - ஏன் தமிழ்நாட்டின் பல பகுதிகளிலும் மழை பொய்த்த காரணத்தால் வறட்சி காணப்படும் நிலையில், இங்கு மட்டும் ஆர்ப்பாட்டம் செய்வதால் என்ன வந்து விடப் போகிறது என்ற கேள்வியெல்லாம் நம்மைப் போன்றவர்களுக்குத்தான்! இது, மேடையில் உரக்க கர்ஜித்த சிங்கங்களுக்கு இல்லை. காரணம், அவர்களின் நோக்கம் நிறைவேற அவர்கள் பாடுபடுகிறார்கள். பாவம், அவர்களும் மக்கள் குட்டி உள்ளவர்கள்தானே?

சிறப்புப் பேச்சாளரும், இருப்புப் பேச்சாளர்களும் பேசியது குறித்து நான் அறிந்த தகவல்களைக் கொண்டு, என் மனதில் தோன்றிய சில கேள்விகளை இங்கே நான் கேட்க விரும்புகிறேன்:-

(1) அவரவர் குடிக்கவே தண்ணீரில்லாமல், ஜம்ஜம் தண்ணீரை சிறிய குடுவையில் வைத்து குடிப்பது போல் குடிதண்ணீரைக் குடித்துக் கொண்டிருக்க, இந்த சிறப்புப் பேச்சாளருக்கு மட்டும் குளிக்கவும் நல்ல தண்ணீர் கேட்டதாமே? அது கிடைக்காததால் அவர் அலுத்துக்கொண்டாராமே? நியாயம்தானா?

(2) இந்த ஆர்ப்பாட்டத்தை நடத்த திட்டமிடும் முன், தமிழ்நாடு குடிநீர் வடிகால் வாரிய அதிகாரியை சந்தித்து பேசியதாக ஆர்ப்பாட்டத்தில் தெரிவிக்கப்பட்டுள்ளதே? தண்ணீர் பம்பிங் குறித்து அவரிடம் தகவல்கள் கேட்டதில் தவறில்லை. நகரில் தண்ணீர் வினியோகிக்கப்படுவது குறித்து நகராட்சி தலைவரிடம் கேட்க வேண்டுமென்று இவர்களுக்கு தோன்றாமல் போனது ஏனோ? ஓ.... இந்த தலைவி இந்த “காயல”ர்களுக்கு கத்துக்காரி என்பதாலா?

(3) அடிச்சாலும், புடிச்சாலும் நம்மவர்தான் கவுன்சிலர் என்ற நிலையிலுள்ள வார்டு ஒன்றில் போட்டியிட்ட ஒருவரைத் தோற்கடிக்க இந்த “காயல”ர்களின் எஜமானர் செலவழித்த தொகையோ பல லட்சங்கள். அத்தொகையில் பாதியைத்தானே 7ஆவது வார்டில் முன்னாள் கவுன்சிலர் கேட்டார்? கொடுத்திருந்தால், இன்று 7ஆவது வார்டிலும் நம் சமுதாயத்தவர் தேர்ந்தெடுக்கப்பட்டிருப்பாரே? (இது கற்பனையல்ல! எங்கள் முஹல்லா குருவித்துறைப் பள்ளியில், உள்ளாட்சித் தேர்தல் முடிந்த பின் நடைபெற்ற கூட்டமொன்றில், ஆலிம் ஒருவர் தெரிவித்த ஆதாரப்பூர்வமான தகவல்.)

என்னைப் பொருத்த வரை, என் சமுதாயத்தைச் சேர்ந்தவர்கள் மெஜாரிட்டியாக உள்ள இடத்தில் என் சமுதாயத்திலிருந்து பிரதிநிதி தேர்ந்தெடுக்கப்பட வேண்டும் என்பதில் மாற்றுக் கருத்தில்லை. ஆனால், நம் அறிவீனத்தால் இன்று சகோதர சமுதாயத்தைச் சேர்ந்த ஒருவர் தேர்ந்தெடுக்கப்பட்டு விட்டார். அதற்காக, அவரை இப்படி பச்சையாக கீறிக் கிழிப்பதா?

இப்படி ஆர்ப்பாட்ட பொது மேடையில் அவரை “குடிகாரன்... தண்ணி அடிச்சிட்டு படுத்து கிடப்பான்” என்று திருவாய் மலர்ந்தருளியுள்ள “காயல”ரே? மனிதனாகப் பிறந்தவன் பாவம் செய்யும் இயல்போடுதான் படைக்கப்பட்டுள்ளான். செய்த தவறை எண்ணி திருந்தி வாழ்பவனே நல்லவன் என்ற நபிமொழியை பல மேடைகளில் பேசியிருப்பீர்களே? இப்போது மறந்துவிட்டதோ?

யாரும் நெஞ்சை நிமிர்த்தி நான் தப்பே செய்யாதவன் என்று சொல்ல முடியாது. இப்படியிருக்க, ஒருவரை பொது மேடையில் “குடிகாரன்” என்று சொல்ல தங்களுக்கு எப்படி மனம் வந்தது? அவரை நிரந்தர எதிரியாக்கி, தீவுத்தெரு - கீழ நெய்னார் தெரு - ஏன், சிங்கித்துறையிலுள்ள முஸ்லிம் மக்களுக்குக் கூட எதையும் செய்யக்கூடாது என்ற மனநிலைக்கு அவரை மாற்ற முடிவா?

இந்த ஆர்ப்பாட்டத்தில் பேசிய என்.டி.ஸலாகுத்தீன் காக்கா அவர்கள் தேவையற்ற முறையில் உரையாற்றி தனது ஆத்திரத்தை தீர்த்துக்கொண்டதாகக் கேள்விப்பட்டேன். பாவம், அவர் என்ன செய்வார்? அவருக்குத்தான் கொடுத்து வைக்கவில்லையே? ஸபூர் செய்யுங்க காக்கா!

மனதில் பட்டதைக் கேட்டுவிட்டேன். அட்மின் அவர்களே, இது தனிநபர் விமர்சனமல்ல! பொது மேடையில் செய்யப்பட்ட தனிநபர் விமர்சனம் குறித்து கேள்விப்பட்டு நான் பதிவு செய்யும் கருத்து மட்டுமே! எனவே, அவ்வாறு பொது மேடையில் பேசப்படவில்லை என்று இருந்தால் மட்டும் எனது கருத்தை தள்ளுபடி செய்யவும். இல்லையெனில், இதனை வெளியிடவும். நன்றி.