IP: 117.*.*.* India

என் பாசத்திற்குரிய ஹமீத் தோழப்பா அவர்கள் காலமான செய்தி கேள்வியுற்று மிகவும் வருந்தினேன்.

அவர்களின் மரணச் செய்திக்குப் பிறகுதான் அவர்கள் சுகவீனமுற்றிருந்த செய்தியே எனக்குத் தெரிய வந்தது. ஊரிலிருந்தும், அவர்களது சுகவீனத்தின்போது ஒருமுறை கூட அவர்களை நேரில் சென்று நலம் விசாரிக்கும் பாக்கியத்தைப் பெறாதது என் மனதைக் குடைந்துகொண்டே இருக்கிறது.

மர்ஹூம் அவர்கள் தம் வாழ்நாளில் அனைவருக்கும் உதவியாகவே வாழ்ந்தவர்கள்... அவர்கள் பாசம் வைத்துள்ள மக்களிடம் அதிகளவில் கலந்துரையாடல் செய்வார்கள்... அனைத்துமே சமூக நலம் நாடும் விஷயங்களாகவே இருக்கும்.

ஆயிஷா சித்தீக்கா மகளிர் இஸ்லாமிய கல்லூரியில் அவர்கள் பொறுப்பேற்றிருந்த காலம் தொட்டு, ஹாஃபிழ் அமீர் அப்பா பள்ளியின் பொருளாளராக அவர்கள் இருந்த வரை அனைத்து தருணங்களிலும் அவர்களோடு கலந்துரையாடும் பாக்கியம் பெற்ற நான், அவர்களுடன் பழகிய காலத்தில், அடுத்தவர் குறித்து ஒருபோதும் அவர்கள் குறைபேசி அறியேன்.

அவர்களோடு சூடாக விவாதிப்பதே ஒரு தனி மகிழ்ச்சியைத் தரும் அம்சம்தான்! அவர்களுடன் பேசி முடிக்கும் வேளை ஒரு நற்செயலின் துவக்கமாகவே இருக்கும்.

இப்போது அவர்கள் நம்முடன் இல்லை. ஆனால், அவர்கள் இருக்குமிடத்திற்கு நாமும் செல்ல வேண்டிய நிலையில் உள்ளோம்.

கருணையுள்ள அல்லாஹ் மர்ஹூம் அவர்களின் பாவப்பிழைகளைப் பொருத்தருளி, மேலான ஜன்னத்துல் ஃபிர்தவ்ஸ் எனும் உயர் சுவனத்தை நற்கூலியாக வழங்கியருள்வானாக, ஆமீன்.

மர்ஹூம் அவர்களின் பிரிவால் துயருற்றிருக்கும், எங்களன்புச் சகோதரர் ஹைதர் காக்கா உள்ளிட்ட அன்னாரின் குடும்பத்தார் அனைவருக்கும் எங்கள் அகங்கனிந்த அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.

நெஞ்சம் நிறைந்த துஆக்களுடன்,
எஸ்.கே.ஸாலிஹ்
மற்றும்
மர்ஹூம் எஸ்.கே.ஷாஹுல் ஹமீத் அவர்களின் குடும்பத்தார்,
காயல்பட்டினம்.