IP: 117.*.*.* India

கண்டன பேருரையாற்றிய ஆலிம் பெருந்தகை அப்துர் ரஹ்மான் அஹ்சனி அவர்கள், ஆர்பரித்து அலைகளை போல் பொங்கி எழுந்து ஆற்றிய உரை மெய் சிலிர்க்க வைத்தது.ஆன்மீகமும் லவ்கீகமும் இரண்டறக் கலந்த மார்க்கம் தான் இஸ்லாம். ஒரு ஆன்மீக தலைவராக, ஒரு பேரரசின் ஆட்சி தலைவராக, ஒரு பாச மிக்க குடும்பத் தலைவராக, நேசம் மிக்க கணவனாக, அன்புடன் அரவணைக்கும் தந்தையாக ஆமினா அப்துல்லாஹ்வின் அருமை மகனாக ....இப்படி எல்லாக் கோணங்களிலும் முத்திரை பதித்த கண்மணி நாயகம் சல்லல்லாஹு அலைஹி வசல்லம் அவர்களை இழிவு படுத்தியவர்கள் இந்த காலத்தில் மட்டுமில்லை, அவர்கள் வாழ்ந்த காலத்திலேயே இருந்திருக்கிறார்கள் என்பதை உங்கள் வீர உரைகளில் எடுத்து சொன்னீர்கள்.

அவர்களை பார்த்து உங்களைபோல் ஒரு கெட்டவரை நான் பார்த்ததில்லை என்று ஒருவர் சொன்னபோது புன்னகைத்த நபியவர்கள் உங்களை போல் ஒரு நல்லவரை நான் கண்டதில்லை என்று வேறொருவர் சொன்னபோதும் அதே புன்னைகையை உதிர்த்தார்கள். நபிதோழர்கள் விளக்கம் கேட்டபோது "நான் ஒரு கண்ணாடி , அவரவர்கள் அவரவர்கள் முகத்தை அதில் பார்த்து தங்களையே அடையாளபடுதிக் கொண்டார்கள்" என்று மிக சாதாரணமாக சொல்லிவிட்டார்கள்.

உங்களது வீர உரைகள் உங்களை மக்களுக்கு ஓர் உன்னத உலக அரசியல் அறிந்த பேச்சாளாராக அடையாளம் காட்டியுள்ளது. மஹ்லரா என்ற நான்கு சுவர்களுக்குள் இருக்க வேண்டிய ஒரு சராசரி ஆலிம் அல்ல நீங்கள், பொதுவாழ்வில் உங்களை இணைத்துக்கொண்டு இஸ்லாதை அதன் தூய வடிவில் நபிகள் நாயகத்தின் வழி முறையை வலியுறுத்தி அந்த பெருமகனாரின் அடியொற்றி நடக்க எல்லோரையும் வழி நடத்தி செல்ல வேண்டிய பொறுப்பு உங்களுக்கு உண்டு.. அதற்கான ஆற்றலும் திறமையும் குர் ஆன் ஹதீத்கள் நபிமொழிகள் எல்லாம் நிறைந்த ஒரு நிறைகுடமாக நீங்கள் விளங்குவதை உங்கள் கண்டன பேருரை பறைசாற்றுகிறது.

உங்களை மக்கள் மிகவும் எதிர்பார்கிறார்கள்.உங்கள் மூலம் ஒருவருக்கு ஹிதாயத் கிடைத்தால் அது இந்த உலகம் அதில் உள்ள அனைத்தையும் விட உங்களுக்கு சிறந்ததாக அமையும். அல்லாஹ் உங்களை கபூல் செய்வானாக. ஆமீன். உங்கள் து ஆ க்களில் என்னையும் இணைத்துக்கொள்ளுங்கள்.நன்றி.