IP: 117.*.*.* India

பட்டம் பெற்றவர்களுக்கு வாழ்த்துக்கள்.

எனது உடன் பிறந்த தம்பி மகன் இஸ்ஸத் மக்கி அவர்களும் பட்டம் பெற்றிருக்கும் செய்தி இப்போதுதான் தெரிகிறது. எங்கள் நினைவெல்லாம் நிறைந்து வாழும் எங்கள் அன்புத்தந்தை முஹம்மத் மக்கி ஆலிம் அவர்கள் வாரிசுகள் இப்படி பரிணாம வளர்ச்சி பெற்று உலகியலிலும் முன்னேற்றம் காண்பது பெருமிதம் தருகிறது.

ஈன்ற பொழுதில் பெரிதுவக்கும் தன மகனை சான்றோன் எனக்கேட்ட தாய் என்பதும், மகன் தந்தைக்கு ஆற்றும் உதவி இவன் தந்தை என்நோற்றான் கொல் எனும் சொல் என்பதும் எவ்வளவு நிதர்சன உண்மை. பெற்றோரின் மகிழ்ச்சியில் நானும் பங்கு கொள்கிறேன். அல்ஹம்து லில்லாஹ்.

மக்கி ஆலிம் அவர்கள் தலைமுறையில் சுமார் 23 ஹாபிழ்கள் இருக்கிறார்கள்.இஸ்ஸத் மக்கி அதில் ஒருவர். இவர்களின் கடைக்கண் பார்வை என்பக்கம் திரும்பினால் என்னை சொர்க்கத்துக்கு அழைத்து செல்ல அவர்களால் முடியும். அல்லாஹ் எனக்கு அந்த நசீபை தந்தருள்வானாக.

நீங்கள் கற்ற கல்வி உங்களுடன் நின்றுவிடாமல் மற்றவர்களுக்கும் உதவியாக இருக்க வேண்டும். இஸ்லாமிய மார்க்க பணியிலும் உங்கள் பங்களிப்பு இருக்க வேண்டும். நீங்கள் கற்ற கலைக்கலூரிக்கும் புகழ் சேர்த்து தரவேண்டும்.

புது கல்லூரியில் படிக்கிறேன் என்று சொல்லும்போது உள்ளத்தில் ஒரு புளகாங்கிதம் ஏற்படும். அப்படி ஒரு பாரம்பரியம் மிக்க கல்வி நிறுவனம் அது. தமிழகத்தின் தலைநகரின் வரைபடத்தை உலகில் உயர்த்திப்பிடிக்கும், தூக்கிப்பிடிக்கும் அற்புதமான அறிவாளிகளை அறிமுகப்படுத்தி பெருமை பெற்று உயர்ந்து நிற்கும் கலாபீடம்.அது. இஸ்ஸத் நிறைந்த இஸ்லாமிய பல்கலை கழகம்..