IP: 117.*.*.* India

அன்பின் ஆதம் சுல்தான் காக்கா, உமர் அனஸ் காக்கா ஆகியோர் உட்பட, அந்த தொணியில் கருத்தெழுதும் அனைவருக்கும் எனது பணிவான பதில்:-

நல்ல எண்ணங்கொண்ட - செயல்திறன் மிக்க பலர் வெளிநாடுகளிலிருந்து கொண்டு, தங்களால் இயன்ற நற்பணிகளை செய்து வருகிறீர்கள்... அல்லாஹ் உங்களை நன்றாக வைத்தருள்வானாக...

ஊரில் பொதுப்பணிகளைச் செய்வதற்கு (எந்த உள்நோக்கமுமின்றி) முன்வருவோர் மிக மிகக் குறைவாகவே உள்ளனர்.. அவர்களும், தம் தகுதிக்கு மிஞ்சி - எடுத்த பணிகளைச் செய்து முடிக்க ஆர்வத்தோடும் - அக்கறையோடும்தான் உள்ளனர்.

கடற்கரையில் இந்த எல்லைக்கோடு போடுவதற்கு பல காலமாக பேசப்பட்டு வந்தபோதிலும், கடந்த 10 நாட்களுக்கும் மேலாக இது விஷயத்தில் கடற்கரை பயனாளிகள் சங்க செயலாளர் கைலானீ காக்கா அவர்கள் மிகுந்த அக்கறையோடு நகராட்சி நிர்வாகத்தைத் தொடர்புகொண்டு முனைப்புடன் செயலாற்றியதன் விளைவாகவே 19ஆம் தேதி இப்பணி துவங்கியது என்பதை நான் நேரிலிருந்து பார்த்தறிந்து கொண்டேன்.

விடுமுறையில் ஊருக்கு வந்தால் எங்கள் மஹல்லா வேலைகளோடு சுருக்கமாக இருந்த என்னைப் போன்றவர்களுக்கு இதுபோன்ற நகர்நலப் பணிகளில் கூடுதல் அக்கறை வந்ததே இவர் போன்றவர்களின் செயல்பாடுகளைப் பார்த்துதான்! (இதற்கு மேல் இதில் விளக்கம் சொல்ல வேண்டிய தேவையிருக்காது. எனினும், இதற்கு தாங்கள்தான் காரணம் என்று யாரேனும் கருதுவார்களேயானால் அவர்களுக்கு அதற்கான முழு நற்கூலியும் அல்லாஹ்விடம் உண்டு. தொடர்ந்து அவர்களின் அக்கறையை எல்லாப் பணிகளிலும் பொதுநல ஆர்வலர்கள் ஆவலுடன் எதிர்பார்த்திருக்கின்றனர்.

அடுத்து, கடற்கரையில் அது நடந்ததே...? அதற்கு என்ன செய்தீர்கள்?? இது நடந்ததே இதற்கு என்ன செய்தீர்கள்?? என்று கேட்கப்பட்டுள்ளது. இது எழுத்தில் தரத்தக்க விஷயமல்ல. நேரில் கேட்டால் சொல்ல ஆயிரம் விஷயங்களுண்டு. தாங்கள் அதுபற்றி அறிந்துகொள்ளவில்லை என்பதால் அது செய்யப்படவே இல்லை என்றாகிவிடாது. எங்கள் கவனத்திற்கு வரும் இதுபோன்ற அனைத்தையும் பலர் செய்து வருகின்றோம்.

வெளியூரிலிருந்து வந்து கடற்கரையைத் துப்புரவு செய்த மாணவர்களைப் பாராட்ட வேண்டியதே அந்தக் கூட்டத்தின் நோக்கம். அங்கிருந்துகொண்டு நம்மவர்களைக் குறைகூறுவது இடம் - பொருள் - ஏவல் தெரியாத சிலர் செய்யும் காரியம். அதிலிருந்து சற்று மாறுபட்டிருக்கவே நாம் விரும்புகிறோம்.

நாங்கள் சுட்டிக்காட்டியதால்தான் இது நடந்தது, அது நடந்தது என்று சொல்லப்பட்டு வரும் இக்காலையில், அதற்கெல்லாம் ஒரு வாரத்திற்கு முன்பே பல விஷயங்கள் நடந்துகொண்டிருக்கின்றன. உள்ளூர் பள்ளிகளிலுள்ள நாட்டு நலப்பணித்திட்ட மாணவர்களைத் தருமாறு அந்தந்த பள்ளிகளில் கேட்கப்பட்டுள்ளது. இதுவும் முகவரியற்றவர்களின் எழுத்துகளுக்கு முன்னரே செய்யப்பட்ட விஷயம். (அந்தப் பணியும் இன்ஷாஅல்லாஹ் சில தினங்களில் நடைபெற்று முடியும். மீண்டும், “பார்த்தீர்களா? நாங்க சுட்டிக்காட்டியதால்தானே இதுவும் நடந்திச்சி?” என்று கேட்கப்படலாம்.)