IP: 86.*.*.* United Arab Emirates

ஆஹா! என்னே ஒரு அருமையான விளக்கம்!!

ஓய்வு பெற்ற இத்தொழிலாளர்கள் ஓய்வூதியதாரர்கள் மட்டுமல்ல, மாறாக "முதலாளிகள்" கூட. இப்படியான முதலாளிகளை நினைக்கையில் எனக்கு "பராசக்தி" திரைப்படப் பாடலில் வரும் சில வரிகளே நினைவிற்கு வந்தது.

"முட்டாப் பயலையெல்லாம் தாண்டவக்கோனே,
சில முட்டாப் பயலையெல்லாம் தாண்டவக்கோனே,
பணம் முதலாளி ஆக்குதடா தாண்டவக்கோனே"
என்ற வரிகள்தான் அவை.

இத்தொழிற்சாலையில் தயாரிக்கப்படும் பொருட்கள், அதனால் ஏற்படும் இயற்கைக்கு எதிரான தீங்குகள் குறித்தெல்லாம் சென்ற வருடம் இந்த நாசகார ஆலையின் விரிவாக்கம் குறித்து மாவட்ட ஆட்சித்தலைவர் தலைமையில் நடைபெற்ற மக்கள் கருத்துக்கேட்பு கூட்டத்தில் ஆதாரப்பூர்வமாக மத்திய மற்றும் மாநில அரசுகள் அங்கீகாரம் பெற்ற ஆய்வகங்களில் பெறப்பட்ட அறிக்கைகள் மூலம் முன்வைக்கப்பட்டபோது இந்த ஆலையின் சார்பில் விளக்கமளிப்பதற்காக வந்தவர் முன்னுக்குப்பின் முரணாக விளக்கங்களை விழுங்கி விழுங்கி விழி பிதுங்கி தெரிவித்ததை நாங்கள் பார்க்காமலா இருந்தோம்?

சுற்றுவட்டார பகுதிகளில் உள்ள பெரும்பாலான (எங்கள் ஊர் உட்படத்தான், ஏன் முழு தமிழ்நாடு, இன்னும் ஏன் முழு இந்தியாவிலும் உள்ள) சுகாதார ஆய்வாளர்கள் அவர்களது பணிகளை எவ்விதம் செய்கிறார்கள் என்பதை நாடே அறியும். ஆக, போதும் உங்கள் விளக்கமும் விசுவாசமும். கலங்கரை விளக்கத்திற்கு மிகப்பெரிய களங்கமாக விளங்கும் இந்த ஆலை களை எடுக்கப்பட வேண்டும். எடுக்கப்படும் இறைவன் நாடினால்.