IP: 117.*.*.* India

நாங்கள் தப்பித்தோம். எங்கள் தந்தை எங்களை கூட்டிக்கொண்டு கொழும்புக்கு போய்விட்டார்கள். ஆசிரியரின் நினைவலைகளில் எதுவுமே எங்களை ஆட்கொள்ளவில்லை. ஆனாலும் எங்களை எங்கள் பெற்றோர் போற்றும் அல்லது காண்பவர்கள் இன்னார் மகனா என்று கேட்கும் அளவுக்கு ஓரளவு இறை பக்தியுடன் வாழ்ந்து கொண்டிருக்கிறோம்". மகன் தந்தைக்கு ஆற்றும் உதவி இவன் தந்தை என்நோற்றான்கொல் எனும் சொல்" என்ற குறளுக்கு இலக்கணமாக எங்களால் வாழ முடிகிறது. அல்ஹம்து லில்லாஹ்.

ஆனால் இப்போது வேறு பரிணாமம் இந்த இளைஞர்களை தொற்றிக்கொண்டது. அன்று அலிப் பே ஓதினாலும் ஐந்து வேளை தொழுதாலும் நோன்பு பிடித்தாலும் எல்லோரும் ஒன்றாக அதை ஆமோதித்தார்கள். அந்தக்காலத்திலும் சரி இந்தக் காலத்திலும் சரி நம்மை இயக்குபவர்கள் நமது பெற்றோர்களை விட நமது உஸ்தாதுகள்தான். ஆனால் இன்று நமது உஸ்தாதுகளுக்கே பாடம் படித்து கொடுப்பவர்களாக மாணவர்கள் மாறிவிட்டார்கள் என்பதுதான் நிதர்சன உண்மை.

இஸ்லாம் மார்க்கம் 5 காரியம் கொண்டு எடுக்கப்பட்டது என்று அன்று சொன்னவர்கள் அந்த 5 காரியங்கள் எவை எவை என்று சொல்ல வரும்போது அதில் உஸ்தாத்மார்களுக்கே கருத்து வேற்றுமை. "ஆமன்த்து பில்லாஹி என்று ஆரம்பித்து வல் கத்ரி க்ஹைரிஹீ வஷர்ரிஹீ மினல்லாஹி த ஆலா" என்று அன்று பட்டியலிடப்பட்ட விஷயங்கள் இன்று மிகைப்படுத்தப்பட்டு எக்ஸ்ட்ரா பிட்டிங்க்ஸ் என்று சொல்வார்களே அதே போல் அவரவர்கள் தகுதிக்கு அதில் மாற்றம் செய்து ஏற்ற இறக்கத்துடன் போதிக்கப்படுகிறது.

"இன்ன அக்ரமகும் இந்தல்லாஹி அத்காக்கும்" உங்களில் அல்லாஹ்விடத்தின் உயர்வாக கருதப்படுபவர் உங்களில் இறை அச்சம் உள்ளவர் யாரோ அவரே என்ற இறை வசனத்தை தாண்டி, நான் இன்னார் மகன், இன்னார் வம்சம். கோத்திரம், குலம் அதனால் நான் அல்லாஹ்விடத்தில் உயர்ந்தவன் என்று நானே என்னை சொல்லிக் கொள்கிறேன். நமது கண்ணியமும் புண்ணியமும் மிக்க உஸ்தாதுகள் நம்மை அப்படிதான் வழி நடத்தி செல்கிறார்கள். இதற்கு ஆசிரியரின் பதில் என்ன. அல்லாஹ்வின் கட்டளை திருமறை... நபிகள் நாயகத்தின் ஹதீத்கள் அவர்களின் வழிமுறை இவை இரண்டிலும்தான் ஈருலக வெற்றி இருக்கிறது என்று உறுதியாக சொல்லித்தர நமது உஸ்தாத்கள் தயாரில்லை. எல்லோருக்கும் ஒரு வகையான EGO அது எப்படி இவர்களிடம் குடிகொண்டது, அதை எப்படி அவர்களிடம் இருந்து வெளியேற்றுவது அவரவர்கள் செய்பவற்றை அவரவர்கள் சரி என வாதிக்கிறார்கள். அவற்றுக்கு குர் ஆன் ஹதீத்களிலிருந்து ஆதாரமும் தருகிறார்கள். மறுக்கவும் முடியாமல் ஏற்கவும் முடியாமல் எதிர்க்கவும் முடியாமல் என்போன்ற சாமானியர்கள் திகைதுக்கொண்டு கை பிசைந்து கொண்டு நிற்கிறார்கள்.

ஆசிரியர் ஒரு நிவாரண வழியை சொல்லுங்கள்.. குறைகளை சொல்வதனால் குறைகள் நீங்கிவிடாது அதற்கு என்ன பரிகாரம் என்று சொல்லுங்கள். முயற்சித்து பாப்போம். மலரும் நினைவுகள் மறைவதில்லை.... தொடரும் பயணங்கள் முடிவதில்லை.