இவர்களுக்கு வாழ்நாள் சாதனையாளர் விருது கொடுக்கணும்...! posted byM.N.L.முஹம்மது ரபீக். (புனித மக்கா.)[25 December 2012] IP: 188.*.*.* Saudi Arabia | Comment Reference Number: 24790
கட்டுரையில் பதிய முடியாத சில சம்பங்களை இக்கருத்து மூலம் பகிர்கின்றேன்.
நான் ஓதிய காலத்தில் ஜாவியாவில் கண்ணியத்திற்குரிய சாவன்னா ஆலிம், அப்துல்லாஹ் லெப்பை, ஃபாருக் ஆலிம், கல்ஜி ஆலிம் போன்றோர் இருந்த காலம். ஒழுக்கத்திற்கும், பக்குவத்திற்கும் அடிகோலிய அப்பெருமக்கள் தங்களது சேவையை தாராளமாக தந்துதவிய பொன்னான காலம்.
நோன்புக்கு ஒரு வாரத்திற்கு முன் கஞ்சி குடிப்பதற்கு மண்சிட்டிகள் மாட்டு வண்டியில் வரும். லெப்பை எங்களில் சில மாணவர்களை அழைத்துக் கொண்டு அடுக்கி வைக்கப்பட்ட நூற்றுக்கணக்கான சிட்டிகளில் உறுதியான உருவில் பெரிதான சிட்டிகளை தேர்வு செய்து பள்ளிக்கு கொண்டு வருவார்கள். நோன்பு முப்பதும் இனி அந்த சிட்டியில்தான் எங்களுக்கு கஞ்சி! குடித்து விட்டு கழுவி மீண்டும் பள்ளிக்கே கொண்டு வந்து பாதுகாத்து வைப்போம். ஓதும் பிள்ளைகளுக்கு நிறைய சலுகைகள் உண்டு. நார்சா, அழைப்பு, விசேஷம் ஆகியவற்றில் எங்களுக்குதான் முன் வரிசை! முதல் மரியாதை! முன்னுரிமை எல்லாமே!
ஒருநாள் என் பெற்றொர்கள் எனது அநியாயம் தாங்க முடியாமல் லெப்பையிடம் போட்டுக் கொடுக்க, அவர் எனது கழுத்தில் குட்டையை மாட்டி அதற்கு மைமூன் எனப் பெயரும் சூட்டி விட்டார்கள். பல மணி நேரத்திற்குப் பிறகு சரி வீட்டிற்குப் போகும் முன் அவிழ்த்து விடுவது வழக்கம்தானே? என எண்ணியிருந்த எனக்கு பெரும் ஏமாற்றமே! காரணம் இப்படியே வீட்டுக்குப் போ என அனுப்பி வைத்து விட்டார்கள். இதை சுமந்து கொண்டு ரோட்டு வழியாக எப்படி போவது? உடனே வெளியே வந்து சட்டைக் காலர் பட்டனை அவிழ்த்து பூட்டை உள்ளே போட்டு சங்கிலியை வயிற்று வழியாக எடுத்து கையில் குட்டையை ஏந்திக் கொண்டு நடந்தேன்.
என்னா? குட்டையா? யாருக்கு கொண்டு போறா? இப்படி பல புன்னியவான்களின் கேள்வி! ஆமா! தங்கச்சி பிரளி பண்ணுறா அதுக்குத்தான் லெப்பைட்டெ வாங்கிட்டு போறேன் என சாமர்த்தியமாக சமாளித்து விட்டு வீட்டுக்குச் சென்றதும் அக்குட்டையை ஆவேசத்துடன் எங்கள் வீட்டு மரத்தூணில் வைத்து சாத்து சாத்தென சாத்தினேன். உம்மா பரிதாபத்தோடு பார்த்து ஆறுதல் சொன்னால்.
அடெ! இப்ப குட்டை உடஞ்சிட்டுன்னா அதுக்கும் நீ அடி வாங்கணும் உன்னை அவுத்து விட நான் லெப்பைட்டெ சொல்லுறேன். நீ அடங்கி இரு! என வாக்கும் தந்தாள். (கருத்து நீளமாக இருப்பதால் முழுவதுமாக போஸ்ட் செய்ய முடியவில்லை! தொடர்ச்சி அடுத்த கமெண்ட்டில் பார்க்க...!)
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross