IP: 117.*.*.* India

ரிசானாவின் சோக கதையை ஒரு குறும்படமாக எடுத்து ஷரியத் சட்டத்தை சரிய செய்த சவுதி அரேபியாவின் அத்து மீறல்களை அம்பலப்படுத்த வேண்டும். இவர்கள் செய்த அடாவடித் தனத்தால் இஸ்லாமிய ஷரியத் சட்டத்துக்கும் அல்லாஹ்வின் சட்டத்துக்கும் இழுக்கு தேடி தந்து விட்டார்கள்.

நான் இந்த விஷயம் BBC யில் ஒலி பரப்பபட்டபோது நேயர் நேரத்தில் எனது விமர்சனத்தை அளித்திருந்ததை ஆசிரியர் அவர்கள் செவியுற்றிருக்கலாம். ஷரியத் சட்டத்தை குறை சொல்வதில் அர்த்தமில்லை. அநியாயமாக ரிசானாவை கொலை செய்தவர்களின் குறை தான் இது

ஜெயராஜ் என்பவர் எழுதிய கட்டுரையும் சமீபத்தில் இலங்கை அட்டர்னி ஜெனரல் ஒருவர் கொடுத்த அற்புதமான அலசல் கட்டுரையையும் நான் படித்ததால் உங்கள் கட்டுரை பெரிய தாக்கத்தை ஏற்படுத்தவில்லை. ஆனால் ரிசானாவின் தாய் மகளுக்குள் நடந்த சம்பாஷனை உள்ளத்தை i உருக்கியது.

சவுதி அரேபியாவில் பணியாற்றியவன் நான். இகாமா இல்லை என்று சிறையில் 6 நாட்கள் அடைக்கப்பட்டவன். அந்த 6 நாட்களில் நான் அனுபவித்த கொடுமைகளை சொல்லி முடியாது. ஆனால் 5 வேளை தொழுவதற்கு அங்கு வசதி உண்டு, ஜும்மா தொழுவதற்கும் ஏற்பாடு உண்டு.

இதயத்தை இழந்து விட்டு இஸ்லாத்தை கையில் ஏந்தி கொண்டு என்ன செய்ய முடியும். நபிகள் நாயகம் மிக இரத்தின சுருக்கமாக ஒன்றை சொல்வார்கள். அறிந்து கொள்ளுங்கள்.உடலில் ஒரு சதை துண்டு உண்டு அது சரியானால் உடல் முழுவதும் சீராக இருக்கும் அது கெட்டு விட்டால் உடல் முழுவதும் கெட்டு விடும். அது தான் இதயம் என்றார்கள். இது இதயம் உள்ளவர்களுக்கு சொல்லப்பட்டது. இதயத்தை கல்லறைக்கு அனுப்பிவிட்டு இன்னொரு இதயத்தை மண்ணறைக்கு அனுப்பி விட்டு நம் எல்லோருடைய இதயங்களையும் ஒரு நிமிடம் இயங்க முடியாமல் ஆக்கி விட்ட வர்களுக்கு என்ன சொல்ல முடியும். நியாய தீர்ப்பு நாள் வரும் வரை பேசப்படும் இந்த சோகமான செய்திக்கு அந்த இறுதி தீர்புநாளின் அதிபதிதான் தீர்ப்பு கொடுப்பான். அது நிச்சயம் இந்த உலகத்திலேயே நிதர்சனமாக காட்டப்படும் நாள் வெகு தொலைவில் இல்லை.

அநியாயமாக கொலை செய்யப்பட பெண்ணுக்கு அல்லாஹ் ஷஹீதுடைய பதவியை கொடுத்து மேலான சுவர்க்க பதியை கொடுத்து அருள்வானாக.ஆமீன். இந்த நேரத்தில் ஜனாதிபதி அவர்கள் பத்து லட்சம் ரூபாய் அந்த குடும்பத்துக்கு கொடுத்தும் அவர்கள் வீட்டில் ஒருவருக்கு அரசு வேலை அளித்து உதவி உள்ள செய்தியும் மனதுக்கு நிம்மதி தருகிறது. இஸ்லாமிய அமைப்புகளும் கொடை வள்ளல்களும் அந்த குடும்பத்துக்கு உதவி செய்ய வேண்டும். உயிருக்கு விலை பேச முடியாது என்றாலும் விழி நீர் துடைப்பதற்கு ஒரு கைக்குட்டயாவது கொடுக்கவேண்டாமா. ஆசிரியர் அவர்கள் எனது சார்பாக அந்த குடும்பத்துக்கு இலங்கை ரூபாய் 10,000 கிடைக்க செய்யுங்கள். ஒரு அணில் மண் சுமந்து உதவி செய்ய முயற்சித்த கதைதான். அல்லாஹ் அந்த குடும்பத்துக்கு நல்ல பொறுமையை கொடுப்பானாக. ஆமீன்...

Administrator: Comment edited