IP: 117.*.*.* India

பொதுவாக இந்த வயது முதிர்ந்த கால கட்டத்தில், ஒருவர் பழையவற்றை மறப்பதும், கொஞ்சம் கொஞ்சமாக குழந்தையாக மாறுவதும் இயல்பு.

அதற்கப்பாற்பட்டு, இந்த புண்ணியவதி - சிறு வயதுக்காரர்களைப் போல அனைத்தையுமே நன்கு நினைவில் வைத்திருந்தவர்கள்.

(என் போன்ற) தூரத்து உறவினர்களைக் கூட, எங்கள் தாயைப் பெற்ற தாய் போல விசாரிக்கும் பாங்கு, சொந்தத்தால் தூரமானவர்களின் குடும்ப விஷயங்களையெல்லாம் தெரிந்து வைத்திருந்து, அதுகுறித்து விசாரித்து தீர்வு சொல்லும் இவர்களின் பழக்கவழக்கம்...

இந்த அனைத்தையும் அவர்களின் குடும்பமும், அவர்கள் அறிந்து வைத்திருந்த குடும்பங்களும் இன்று இழந்து நிற்கிறது என்று சொன்னால் அது மிகையல்ல!

அவர்களின் ஆற்றலைக் கண்ணுற்ற போதெல்லாம், கண்டிப்பாக பால்மா ஹாஜ்ஜா செஞ்சுரி போடுவார்கள் என்று நான் எனக்குள் எண்ணியதுண்டு. ஆனால் அல்லாஹ்வின் முடிவு வேறு மாதிரி அமைந்துவிட்டது. என்றுமே அவன் முடிவுதான் அறிவுப்பூர்வமானதாக இருக்கும்.

மர்ஹூமா அவர்கள் அறிந்தோ, அறியாமலோ செய்த பாவப்பிழைகளை வல்ல அல்லாஹ் மன்னித்து, அவர்களுக்கு ஜன்னத்துல் ஃபிர்தவ்ஸ் எனும் உயர்சுவனத்தை நற்கூலியாக வழங்கியருள்வானாக....

அன்னாரின் பிரிவால் வாடியிருக்கும் அனைவருக்கும் அல்லாஹ் அழகிய பொறுமையைத் தந்தருள்வானாக ஆமீன்.

அனைவருக்கும் எனதன்பான அஸ்ஸலாமு அலைக்கும் வரஹ்மத்துல்லாஹி வபரக்காதுஹ்!

பிரார்த்தனைகளுடன்,
எஸ்.கே.ஸாலிஹ் & குடும்பத்தார்
மற்றும்
எஸ்.கே. குடும்பத்தார்.