IP: 173.*.*.* United States

ஒன்றை வருட "சாதனை" அல்லது நகராட்சியில் நடந்த ஒரு வரலாற்று சிறப்பு மிக்க "மாற்றம்" என்னவென்றால்... 'ஓரிருவராக' இருந்த எதிர்ப்பாளர்கள் அணி நன்றாக 'டெவலப்' ஆகியுள்ளது. நல்லதொரு டீம் டெவலப்மன்ட்! நன்மையான காரியங்களுக்கு ஆள் சேர்ப்பது ( டீம் ) மட்டும் "தண்ணி வாங்குது". பொதுவாக, பதவி & பணத்தாசை யாரை தான் விட்டு வைத்தது. இருப்பவர்கள் இல்லாதவர்கள் என பலரும் ஒரு கட்டத்தில் இவைகளுக்கு பலிகடா ஆக வேண்டிய நிர்பந்தம்... காலத்தின் கொடுமையே !!

"மக்கள் சேவை செய்வதற்காகவே வந்திருக்கிறோம்" என்று மார்தட்டுபவர்கள் (அது தலைவியாக அல்லது உறுப்பினர்களாகவே இருக்கட்டும்) தொடர் வெளிநடப்பு செய்பவர்களாக இருக்க மாட்டார்கள். ஒருவருக்கொருவர் விட்டு கொடுத்து அனுசரித்து போய் கொண்டிருப்பார்கள்!

வெளிநாடுகளில் வசிக்கும் ஒவ்வொரு ஆன்மாவும், நமதூர் எப்படியாவது முன்னேறிவிடாதா... நம் மக்கள் முன்னேறிட விடமாட்டார்களா என்று காயல் நல மன்றங்களை தோற்றுவித்து அனுதினமும் கவலைப்பட்டு கொண்டும், பாலைவனத்தில் அல்லது ஏதோ ஒரு வெளிநாட்டில் தான் கஷ்டப்பட்டு வியர்வை சிந்தி ஈட்டிய பணத்தை 'சந்தாவாக' (கல்வி மருத்துவம் சிறுதொழில் போன்றவைகளுக்கு) வழங்கியும் & தன் பொன்னான விடுமுறை நேரத்தை கூட நமதூர் மக்களுக்காக தியாகமும் பண்ணி வருகின்றார்கள்.

ஒரு கூட்டம் (முன்னேற்றத்தை நோக்கி) இப்படியென்றால் ... இன்னொரு கூட்டம் "ஈகோவுடனும் சுயநலத்துடனும்" நமதூரை பின்னோக்கிய பாதையில் செலுத்தி கொண்டிருக்கின்றார்கள் என்று நினைக்கும்போது வேதனைதான் மிஞ்சுகின்றது. நகர்மன்றத்தினரே சற்று சிந்தித்து செயல்படுங்கள் !!

காயலர்கள் இல்லாத துறையும் & கால் படாத தேசமும் இல்லை. காலம் காலமாக வியாபாரத்திலும் & நவீனயுகத்தில் தொழில் நுட்பத்திலும் ஒரு திறமையான சமுதாயமாக விளங்கும் நமதூருக்கு ஏன் இப்படி பட்ட ஒரு அவலம்????? என்று இவைகள் துடைத்தெறியபடும் ????

ஒன்றரை வருடமும் உருண்டோடிவிட்டது. வெளிநடப்புகளும், ஈகோ & நகராட்சியை நகர விடாத கூத்துக்களும் நமக்கு கூட பழகி போய்விட்டது. எதிரியின் எதிரி நண்பன் என்றும், கொள்கை, வட்டாரம், ஆளும்/அதிகாரவர்க்கம் என்ற பல வறட்டு விடிவாதங்களை என்றைக்கு மூட்டை கட்ட போகின்றோம்??? ஊர் விடயங்களில் இவைகளையெல்லாம் புறந்தள்ளி விட்டு பொதுநலத்துடன் என்றைக்கு "களம்" காணுகின்றோமோ & பொதுமக்களாகிய நாம் தட்டி கேட்கின்றோமோ அன்றைக்குத்தான் இது போன்ற வெளிநடப்புகளும் நகராட்சி அவலங்களும் ஒரு முடிவுக்கு வரும்!!