IP: 117.*.*.* India

அஸ்ஸலாமு அலைக்கும் (வரஹ்).

பத்தாம் வகுப்பு, பன்னிரண்டாம் வகுப்பு மாணவ மணிகளுக்காக கல்வி ஒளிபரப்பு முந்தய வருடம்போல் இந்த வருடமும் துவங்கி இருப்பது மகிழ்ச்சியை அளிக்கிறது.

இக்ராஃ கல்விச் சங்கம் சார்பில் முறையாக, தேவையான நேரத்தில் செய்யப்படும் இந்த சேவை உண்மையிலேயே பாராட்டுக்குரியதும் நன்றிக்குரியதும் ஆகும்.

இந்த சேவையில் ஈடுபடும் அனைவருக்கும் அல்லாஹ் ரஹ்மத் செய்வானாக.
--------------------------------------------
பெற்றோர்களே!

தம் மக்களின் படிப்புக்காக குறிப்பாக தேர்வுக்காக பெரும்பாலான பெற்றோர் முறையான அக்கறை எடுத்து செயல்படுவதில்லை.

அதே நேரத்தில் இக்ராஃ கல்விச் சங்கம் நம் ஊர் மாணவ மணிகளுக்காக மிகுந்த அக்கறை எடுத்து , அவர்களுக்கு முறையான தேர்வு வழிகாட்டு நிகழ்ச்சிகளை ஏற்பாடு செய்து இருப்பதால் தாங்கள் அனைவரும் அதற்கு ஒத்துழைக்கும்படி கேட்டுக் கொள்கிறேன்.

அ. தேர்வு காலம் நெருங்கி விட்டதால் மாணவ மணிகளுக்கு இடையூறு செய்யும் எந்த காரியமும் செய்ய வேண்டாம்.

ஆ.அவர்களுக்கு தேவையான ஊட்டச்சத்து நிறைந்த ஆகாரத்தை / அவர்களுக்கு விருப்பமான ஆகாரத்தை கொடுங்கள்.

இ.மிக முக்கியமாக 'டிவி' வைத்திருப்பவர்கள் தேர்வு காலம் முழுவதும் எந்த ஒரு நிகழ்ச்சியும் பார்க்காமல் இருங்கள்.

ஈ. உங்கள் வீட்டில் 3 அல்லது 4 டிவி இருக்கிறது அதனால் நீங்கள் டிவி'யை பார்ப்பதற்கும், படிப்புக்கும் எந்த இடைஞ்சலும் அறவே இல்லை என்று இருந்தாலும்கூட, நீங்கள் டிவி'யை உபயோகிக்காமல் இருப்பதே சிறந்தது.

உ. பெற்றோர்களே! உங்கள் செல்வங்கள் உங்களைவிட மேலானவர்களாக, உங்களைவிட கல்வியிலும, ஒழுக்கத்திலும் சிறந்தவர்களாக வளர வேண்டும் என்ற எண்ணம் உங்களிடம் இருக்குமானால் நிச்சயமாக அவர்கள் முன்னேற்றத்திற்கு முன்னுரிமை கொடுங்கள்.
--------------------------------------------
என் அன்பு மாணவ மணிகளே!

" தேர்வு காலம் நெருங்கி விட்டது - டென்ஷனும் கூடி விட்டது " என்று நினைக்காதீர்கள்.

உங்கள் படிப்பை முறையாக, அதனதன் வழிகாட்டல் பிரகாரம் படியுங்கள், தேர்வு நன்றாக எழுத ஆயத்தமாகி நல்ல முறையில் தேர்வு எழுதுவீர்கள் இறைவனருளால் மிகவும் சுலபமாக இருக்கும். டென்ஷனுக்கும் உங்களுக்கும் சம்பந்தமே இருக்காது.

பெற்றோர்களின் தொணதொணப்பும் , வீட்டில் உள்ள பெரியவர்களின் முணுமுணுத்தலும் இருக்கும்.

அவைகளையெல்லாம் பெரிதாக எடுத்துக்கொள்ளாமல் அதே நேரத்தில் அவைகளையெல்லாம் மிகுந்த மரியாதையுடன் சமாளித்துக்கொண்டு படிப்பிலே உங்கள் கவனத்தை செலுத்துங்கள்.

பெரியவர்களுடைய துஆ' வும் உங்கள் முயற்சிகளும் ஓன்று சேர்ந்து உங்களை தேர்வில் அதிக மதிப்பெண்கள் எடுத்து வெற்றிப்பெற்றிட செய்திடும் என்பதை நினைவில் நிறுத்தி படியுங்கள்.

எல்லாம் வல்ல அல்லாஹ், நீங்கள் அனைவரும் அதிக மார்க்குகள் எடுத்து தேர்வில் வெற்றி பெறச் செய்வானாக ஆமீன்.

வஸ்ஸலாம்

அன்புடன், " மஹ்மூது மாமா ".