IP: 2.*.*.* United Arab Emirates

சகோ. சாளை பஷீர் ஆரிஃப் அவர்கள் தனது சகோதரிக்கு அலோபதி மருத்துவம் பெற்றபோது நேரடியாகவே பாதிக்கப்பட்டவர். (மருத்துவ மனையா? மரண மனையா? என்ற அவரது கட்டுரையை படித்தால் புரியும்). அவர் அலோபதி மருத்துவ முறையைச் சாடியதை விட இந்த மருத்துவ முறையில் பணக் கோலோச்சும் சில அரக்க குணம் கொண்ட மருத்துவர்களையும், மருத்துவமனைகளையும் சாடியதை ஆராய்ந்துப் பார்த்தால் அதில் 50% சதவிகிதமாவது உண்மை இருக்கத்தான் செய்யும்.

இந்த கட்டுரைக்கு கருத்து பதிந்துள்ள சகோ. B.A. புஹாரி அவர்களது சிறிய அனுபவம் எல்லாம் இந்த மருத்துவ முறையில் ஒரு கொசுறு என்றால் மிகை ஆகாது.

மருத்துவம் தொடர்பாக சகோ. ஷமீமுல் இஸ்லாம் எழுதிய மற்றொரு கட்டுரையில் கூறப்பட்ட சில விடயங்களுக்கு காயல்மண்ணின் சில மருத்துவர்கள் அழகிய முறையில் பதில் அளித்திருந்தனர். இதுதான் ஆரோக்கியமான ஒன்று. அதை விடுத்து ஒரு துறையில் இருக்கும் தவறுகளை வெளிக்கொணரவே கூடாது என்று கூறுவது சரியாகாது.

மருத்துவமும் கல்வியும் சேவை என்ற நிலை மலையேறி பல பத்தாண்டுகள் ஆகிவிட்டது என்றாலும், அலோபதி மருத்துவ முறையில் மட்டுமில்லை, மற்ற மருத்துவ முறைகளிலும் பல்வேறு குறைபாடுகளும் இருக்கத்தான் செய்யும். அதே சமயம் மனித நேயம் கொண்ட சில மருத்துவர்களும் அங்கே உண்டு என்பதை மறுப்பதற்கில்லை. கீழ்காணும் குர்ஆனின் வசனங்களுக்கு யார்தான் விதிவிலக்கு?

எனவே, எவர் ஓர் அணுவளவு நன்மை செய்திருந்தாலும் அத(ற்குரிய பல)னை அவர் கண்டு கொள்வார். (அல்குர்ஆன் - 99:7)

அன்றியும், எவன் ஓர் அனுவளவு தீமை செய்திருந்தாலும், அ(தற்குரிய பல)னையும் அவன் கண்டு கொள்வான். (அல்குர்ஆன் - 99:8)