IP: 116.*.*.* India

கேப்பாவின் பதில் அறிக்கைகள் & கமெண்ட்கள் வாயிலாக நம்முடைய ஆதங்கம் மற்றும் அறிவாந்த நம் தரப்பு வாதங்கள் அநேகமாக போய் சேர வேண்டியவர்களுக்கு போய் சேர்ந்திருக்கும் என்று எண்ணுகின்றேன் !

DCW ஆலை ஆய்வுக்குழுவால் அரசுக்கு சமர்ப்பிக்கப்பட்டுள்ள அறிக்கை குறித்து KEPA வின் கடந்த செயற்குழுவில் நடைபெற்ற விவாதத்தில் கலந்து கொள்ளும் வாய்ப்பு எனக்கு கிடைத்தது. ஆங்கிலத்தில் அச்சிடபட்டிருந்த இருநூற்றுக்கும் மேற்பட்ட பக்கங்களை கொண்ட அவ்வறிக்கையை பார்க்கும் போதே எனக்கு தலை சுற்றியது. அதனையும் சகோதரர் MS ஸாலிஹ் அவர்கள் படித்து விட்டு மற்றவர்களுக்கு விவரித்து கொண்டிருந்தார். தன்னுடைய சொந்த அலுவல்கள் மற்றும் பல பிரச்சனைகளுக்கும் சவால்களுக்கும் மத்தியில், ஊர் நன்மைக்காக வேண்டி பாடுபடும் KEPA மற்றும் அனைத்து நல்லுங்களுக்கும் இறைவன் அருள் புரிவானாக !!

KEPA சார்பில் மேற்கொள்ளப்பட்டு வரும் 1 லட்சம் கையெழுத்து சேகரிப்புத் திட்டத்தின் கீழ் நிலுவையிலுள்ள பணிகளை விரைந்து நிறைவேற்றிட நம்மால் இயன்ற பொருள் மற்றும் உடல் உழைப்பினை கேப்பாவுக்கு வழங்க முன் வர வேண்டும். நம்முடைய ஆர்வமும் ஆதரவும் தான் அவர்களை உற்சாகத்துடன் எவ்வித தொய்வில்லாமல் சமூக பணி புரிய செய்ய உதவும். குறைந்த பட்சம் அதையாவது அவர்களுக்கு நாம் தருவோம்.

மத்திய "சுற்றுச்சூழல்" மற்றும் வன அமைச்சகத்தின் வல்லுநர் குழு உறுப்பினராக உள்ள நமது டாக்டர் அவர்கள் இது போன்ற தரமான அறிவாந்த விளக்கங்களை நமதூர் ஊடகங்களோடு நின்று விடாமல், "கேப்பாவுடன்" இணைந்து அதனை மாநில மற்றும் மத்திய அரசுகளுக்கு எடுத்து சென்று ஆவன செய்ய வேண்டும் என்பது நம் வேண்டுகோள் !!

வெறும் கருத்தாளராக சமூக ஆர்வலராக ஆதங்கத்தோடும் & உணர்ச்சி கொந்தளிப்போடு நின்று விடாமல், நாம் ஒவ்வொரு வரும் கேப்பாவுடன் தோளோடு தோளாக ஒன்றிணைந்து போராட வேண்டும்... கேப்பாவின் கரத்தினை வலுப்படுத்த வேண்டும். அப்பொழுது தான் நமது மனக்குமுறல்களுக்கும் சாட்டையடி அறிக்கைகளுக்கும் ஒரு விடிவு காலம் பிறக்கும் !!