IP: 61.*.*.* India

முன்னாள் நகர்மன்ற தலைவர், ஹாஜி வாவு செய்யத் அப்துல் ரஹ்மான் அவர்கள் தருவதாக சொன்ன, சர்வே எண் 278 பற்றி நீங்கள் வெளியிட்டுள்ள தகவல்கள் எவ்வளவு உண்மை என்று பார்போம்?

உங்கள் கருத்துப்படி ஊர் எல்கை என்பது எது? அது இருக்கும் இடம் கற்புடையார் வட்டத்திலிருந்து 2 கீ.மீ தூரத்தில் உள்ளது. சாலை வசதி (தார் சாலை), மற்றும் மின்சார வசதி இருக்கும் இடத்தில் இருந்து 1 கீ.மீ தூரத்தில் மட்டுமே உள்ளது. நம் நகராட்சி அலுவலகத்தில் இருந்து 4 கீ.மீ மட்டுமே. மாவட்ட ஆட்சியரின் கருத்தை உங்கள் பிரசுரம் மூலம் திரித்து வெளியிட்டிருக்கிறீர்கள். இந்த இணையதளத்தில் வந்த ஆட்சியரின் குறிப்பை தருகிறேன்.

News# 12154 பற்றி. மாவட்ட ஆட்சியர் அவர்களின் தல ஆய்வு (Field report) அதில்

>>' மேற்படி 25.00 சென்ட் அளவுள்ள நிலத்தினை தானமாகப் பெறுவதற்கு நகராட்சி நிர்வாகத்தால் நடவடிக்கை மேற்கொள்ளப்பட வேண்டும்.

>> மேற்படி நிலப்பரப்பு கடற்கரை பகுதியினை ஒட்டி அமைந்துள்ளதால் “கடற்கரை மேலாண்மைப் பகுதி” வரையறைக்குள் (CRZ) அமையப்பெறாவண்ணம் திட்ட செயல்பாட்டிற்கான நிலம் தெரிவு செய்யப்படலாம்' (C&P)

இதெல்லாம் போகட்டும், உங்களின் அமைப்பில் இருப்பவரும், தலைவியின் தீவிர ஆதரவாளரான, சகோதரர் அப்துல் வாஹித் அவர்கள், இந்த இணையதளத்தில் பதிந்த கருத்து# 30468 "ஊர்நலனில் அக்கறையுள்ள ஒரு சகோதரர் என்னிடம் கூறும்போது ஐக்கிய பேரவையைக் சார்ந்த ஒரு நபர் தன்னிடம் இந்த குற்றச்சாட்டை வைத்ததாக கூறி, "ஏன் தலைவி இந்த மாதிரி பிடிவாதமாக இருக்கிறார்" என்று வினவினார். நான் அந்த நபரின் அலுவலகத்திலிருந்தே தலைவியுடன் தொலைபேசியில் வினவினேன். அதற்கு தலைவி அளித்த பதில்.

"இதுவரை என்னிடம் யாரும் பேச்சு மூலமாகவோ அல்லது எழுத்து மூலமாகவோ இந்த விசயமாக அறிவிக்கவில்லை. நீங்கள் சொல்லித்தான் முதன் முறையாக கேள்விப் படுகிறேன். மாற்று நிலம் தருவது சம்பந்தமாக நீங்கள் சொல்வது உண்மையானால் சம்பந்தப்பட்டவர்களை எழுத்து மூலம் தரும்படி சொல்லுங்கள். இன்ஷா-அல்லாஹ், மேலதிகாரிகளிடம் பேசி மேற்கொள்ள வேண்டியதை செய்வோம்". என்றார். (C&P)

(இது 4-5 மாதங்களுக்கு முன் நடந்த பேச்சு, கருத்து பதிந்தது 30.09.2013.) 4-5 மாதங்களுக்கு முன்பு சேரவே எண் 278 நிலம் சரியாக பட்டது. இப்போது இந்த இடம் சரியில்லாமல் போனதோ? ஊராரிடம் காத்து குத்தாதீர்கள்.

அடுத்து இந்த சர்வே எண் நிலைத்த தட்டிக் கழிக்க சொல்லும் உங்களின் உப்புசப்பு இல்லாத காரணம், DCW நச்சு ஆலையின் கழிவுகள் இந்த இடத்திற்கு அடுத்தாற்போல்தான் கடலில் கலக்கிறது.. அதனால் அந்த ஆலை, அந்த ஓடை கலக்க தான் (DCW) காரணமில்லை என்று சொல்லுமாம்! கேட்கிறவன் கேனையனாக இருந்தால், கேப்பையில் நெய் வடியுது என்று சொல்லுவானாம்.

அப்போ நம் நகரில் இயங்கிவரும், சுற்றுசூழல் பாதுகாப்பு அமைப்பில் (KEPA) உள்ளவர்களிடம் அந்த ஆலையின் கழிவுகள் நம் கடலில் கலப்பதற்கு ஆதாரம் இல்லையா? அதுவும் பீலா தானா? அந்த அமைப்பில் முக்கிய உறுப்பினர்களாக இருப்பவர்கள் உங்கள் அமைப்பிலும் இருக்கிறார்களே?

கடைசியாக, இந்த உறுப்பினர்களை மிரட்டும் வேலையை இத்தோடு நிறுத்துங்கள். அவர்கள் முன்னர்மாதிரி, நகர்மன்றத்தில் வெளிநடப்பு செய்ய மாட்டார்கள். நகரின் நன்மைக்காக நகர்மன்றத்தில் குரல்கொடுப்பார்கள். சென்ற மாத கூட்டத்திலும், அதன் பின் நடந்த அவசர கூட்டத்திலும், உறுப்பினர்கள் எவ்வாறு நடந்து கொண்டார்கள்? தலைவி அதற்கு எவ்வாறு பதில் சொன்னார்கள் என்று, இணையதளங்களில் தணிக்கை செய்யாத வீடியோ காட்சிகள் மூலம் மக்கள் தெரிந்து கொண்டார்கள். தலைவின் நிர்வாக திறமை(?) சாயம் கலைந்து போய்ட்டுதுங்கோ!

மக்களும் உஷாராக இருக்காங்கோ. உங்களின் நாடகம் அம்பலமாக போகுதுங்கோ.

- சாளை அப்துல் ரஸ்ஸாக்.