IP: 176.*.*.* Qatar

உவைஸ் ஹாஜியார் !

சமாதானப்புறா நம்மை விட்டும்
விடைபெற்றது!
சமுதாயத்தின் தலைமகன்
சரித்திரத்தின் நாயகன்
சாதிப்பதற்கு இனி ஒன்றும் இல்லை
தம் வாழ்வில் என்ற சமாதானத்தில் ,
சரீரத்தை சாய்த்தது ஷஹாதத் முழக்கத்துடன் !

தமக்கொத்த பெரியவர்கள்....
தகை சால் நல்சான்றோர்கள்...
தரணி போற்றும் தாய்மார்கள் ....
தங்க நிகர் மங்கையர்கள்...
தாயகத்தின் தம்பிமார்கள்
தங்கையர்கள்...
தம் இதயத்தில் தாங்கிப்போற்றிய தகுதியாளர் ...

தர்க்கம்..தகராறு ..
.தம் குடும்பத்தில் ...பந்தத்தில் ...நட்பு
வட்டாரத்தில் யார் கண்டாலும்
சமயம் பாராது
சளைக்காது சட்டென்று
சமாதானத்துக்கு வித்திட்ட வித்தகர் !

தரத்தால் ஏற்ற த் தாழ்வு கிஞ்சிற்றும் நோக்காதவர் !
சமயம்(நேரம்) அறிந்து செயல்படுவதில்
சாணக்கியர் !

இந்த காலத்தின் காயலின் என்சைக்ளோபீடியா....
இன்றோ அவரை இழந்து
காயல்நகரமோ என்செய்வோம் என்று கவலையில் !

இவர் சென்றதால் மண்ணறை
மகிமை பெற்றதோ?
இம்மாமனிதரை தன் வயிற்றில்
சுமக்கும் பேறு பெற்றதால்!

இனியொரு மனிதர் இவரைப்போல்
இக்காலத்தில் இத்தரணியில் அவதரிப்பாரோ???

இவர் விட்ட இடத்தை
விழாமல் தாங்க
இவர் போல் நமதூருக்கு
இனி யார் வருவாரோ....
இறைவா....
ஏங்குகிறேன்....

இவர் பிரிவை
தாங்கும் சக்தியை முதலில் எனக்கும் ,
இழந்து தவிக்கும் இன பந்துக்களுக்கும் ,
இவர் இழப்பால் வாடும் அனைத்து
இதயங்களுக்கும்
இரக்கத்தோடு ஈந்தருள் வாயா ?

ஈந்த நற்காரியத்தை
ஆஹிரத்தின் நல்சொத்தாய் சுமந்து செல்பவரே ...
உமது அமல்கள் மண்ணறையில் மலரட்டும் !
வல்லோனாம் அல்லாஹ்வின்
மாபெரும் கிருபையினால் ,
பூமான் நபிகள்
பொற்கரங்கள் பற்றி
உமது கால்கள்
சுவனத்தை சுவைக்கட்டும் !
இதுவே இறுதியாக நாம் காட்டும்
இறுதி அவா எங்கள் இறைவா.....
ஆமீன் !ஆமீன்!யா ரப்பல் ஆலமீன் !

உமது பாதச்சுவட்டை பார்த்து நடை போடும்,

கே .வீ.ஏ.டி.ஹபீப் முஹம்மது ,
கே.வீ.அஹமது தாஹிர் மர்ஹூம் குடும்பத்தினர் ,
கே.வீ.ஏ.டி.புஹாரி ஹாஜி அறக்கட்டளை ,
காயல் பட்டணம் மற்றும்
தோஹா
கத்தார்