IP: 2.*.*.* United Arab Emirates

இன்னா லில்லாஹி வ இன்னா இலைஹி ராஜிஊன்.

மதிப்பிற்குரிய எனது அப்பா உவைஸ் ஹாஜியார் அவர்களின் வபாத்து செய்தி மிகுந்த அதிர்ச்சியையும், அதிர்வையும் ஏற்படுத்தியது.

நமது ஊரின் முன்னேற்றத்திற்கு பெரிதும் பாடுபட்டவர்களில் இவர்களும் ஒருவர். வயதின் முதிர்ச்சி உடலுக்குத்தான், மனதுக்கு இல்லை என்பதை தனது தொடர்சேவைகளால் நிரூபித்த பெருமகனார். ஒவ்வொரு நாளும், KMT மருத்துவமனை சென்று அங்கு அனுமதிக்கப்பட்டுள்ள சுகவீனர்களிடமும், அவர்களின் உறவினர்களிடமும் சிகிச்சை முறை, இன்னபிற வசதிகள் குறித்து விசாரித்து தேவையானவற்றை செய்தவர்கள். என்னற்ற நற்சேவைகளை புரிந்தவர்கள்.

எனது அப்பா மர்ஹூம் செய்யது அபு தாஹிர் ஆலிம் அவர்களின் உற்ற நண்பர் ஆதலால் என் பால்ய வயது முதலே அவர்களை நன்கு அறிந்திருக்கிறேன். சிறுவயதில் அவர்களின் காரில் பலமுறை பயணித்திருக்கிறேன். சாந்த முகத்திற்கு சொந்தக்காரர். என்னை காணும்போதெல்லாம் என்னைப்பற்றியும், எங்கள் குடும்ப உறுப்பினர்கள் பற்றியும் தவறாமல் விசாரிப்பார்கள்.

எங்கள் குடும்பத்திற்கு அவர்கள் செய்த உதவியை என்றும் எங்கள் நினைவில் நிற்கும். அவ்வுதவிகளுக்கு பிரதிபலனாக எல்லாம் வல்ல அல்லாஹ் அவர்களின் மறுமை வாழ்வை சிறப்பாக்கி வைப்பானாக.

மர்ஹூம் அவர்கள், நமதூருக்கு செய்த சேவைகளை அங்கீகரித்து, அவர்களின் பாவங்களை மன்னித்து, நல்லமல்களை ஏற்றுக்கொள்வானாக! அன்னாரை இழந்து தவிக்கும் அவர்தம் குடும்பத்தாருக்கும், ஊரார் அனைவருக்கும், அல்லாஹ் பொறுமையை வழங்குவானாக! அன்னவர்களின் மண்ணறையை சுவனப் பூங்காவாக்கி வைப்பானாக. ஆமீன்

யஹ்யா முஹியத்தீன் மற்றும் குடும்பத்தினர்