IP: 61.*.*.* India

நாம் என்ன சொல்கிறோம் என்பதை விட நம்மைப் பற்றி பிறர் என்ன சொல்கின்றனர் என்பதை கேட்பதில் ஆர்வமில்லாதோர் எவருமில்லை. அதன் அடிப்படையில் என் நெஞ்சத்தில் நேசம் கொண்ட காயல்பட்டனம் டாட் காம் பற்றி பிறரது கருத்தினைக் காண மிகுந்த ஆவலோடு காத்திருந்தேன்.

காலையில் எழுந்தவுடன் ஒரே இருப்பாக இருந்து அத்தனை விமர்சன கட்டுரைகளையும் ஒரே மூச்சில் படித்து முடித்துவிட்டேன். டாட் காம் பற்றி பல்வேறு கருத்துக்களை ஆதரவாகவும் அதேநேரம் சில குறைபாடுகளை உரிமையோடும் சிந்தனையாளர்கள் எடுத்துக்கூறி இருப்பது வரவேற்கத்தக்கது.

பாபநாசம் அனைக்கட்டின் நீர் வரத்து பற்றி வெறும் பக்கத்தை நிரப்புவதற்காக செய்தி போடவில்லை. அணையின் நீர்மட்டம், அவர்கள் திறந்துவிடும் நீரின் அளவு ஆகியவற்றை துள்ளியமாக கணக்கிட்டு அறியதருவதால் நமதூருக்கு தண்ணீர் வரவில்லை எனில் சம்பந்தப்பட்ட அதிகாரிகள், “அணையில் தண்ணீர் இல்லை. அதனால் நாங்க திறந்து விடவில்லை” என ஏமாற்ற முடியாது. இந்த உள்நோக்கத்தில் தான் அந்த செய்தி வெளியிடப்பட்டு வருகின்றது.

அது போல கடல் காட்சியில் கழிவுநீர் கலந்துவிடக்கூடாதே என படமெடுத்து சிந்துபாத் தொடர்போல செய்தி போடுவதால்தான் இந்த மழை சீசனில்கூட கடல்நீர் நீல நிறமாக உள்ளது. அல்லது DCW வின் உபயத்தால் நம்ம கடல் செங்கடலாகத்தான் இருந்திருக்கும்.

இன்னும் பலரது விமர்சனங்களையும், கருத்துக்களையும் காண ஆர்வமாக உள்ளது. அதற்கு வழி வகுத்து நம்மை நாமே சுயபரிசோதனை செய்து கொள்ள வாய்ப்பும் உள்ளது. இதனால் குறைகள் களையப்பட்டு இன்னும் உயர்தரத்தோடு இந்த தளம் வெளிவர என் மனமார்ந்த வாழ்த்துக்கள்...!

-ஹிஜாஸ் மைந்தன்.