IP: 115.*.*.* India

எங்கள் அன்புள்ள வைகோ அவர்களுக்கு
உங்கள் பேராதரவு பாரதீய ஜனதாவுக்கு
அப்போ நம் பாரதத்திற்கு இல்லையா?

அதுசரி நாம் ஈழத்தின் பிள்ளைகள்தானே
இந்தியாவைப் பற்றி நமக்கென்ன கவலை?

ஒண்ணேமுக்கால் இலட்சம் உயிருக்கு பகரமாக
இருபதுகோடி முஸ்லிம்களை காவு கொடுக்கலாமா?

முள்ளிவாய்க்கால் கொடூரத்தை நாங்களும் கண்டிக்கிறோம்
முஸ்லிம்கள் என்பதால்தானே எங்களை தண்டிக்கிறீர்கள்?
முசாபர் நகரும், நரோடா பாட்டியாவும் இந்தியாதானே
அங்கே கரிந்து சாம்பலானது இந்தியன் உயிர்தானே?

அதுசரி நாம் ஈழத்தின் பிள்ளைகள்தானே
இந்தியாவைப் பற்றி நமக்கென்ன கவலை?
காங்கிரஸை அழிக்க வேறு கட்சிகள் இல்லையா?
காலை பிடித்து மோடி பின்னால் ஏன் சென்றுவிட்டீர்கள்
இந்திய முஸ்லிமின் இதயத்தை ஏன் கொன்றுவிட்டீர்கள்

துணிச்சல் மிகுந்த ஜெயலலிதாவே துணியாத காரியத்தை
துச்சமெனக் கருதி செய்ய துணிந்து விட்டீரே
அதன் விலை எங்க உயிர்தான் என்று தெரியாதோ

பெரியாரின் வாரிசு நான் என்று சொன்னவரே
எங்கள் உயிர் தோலில் போடும் துண்டென நினைத்தீரோ?

சேகுவேராவையும், பெரியாரையும் புகழ்ந்த உதடுகள்
கோட்சேவையும், கோல்வார்க்கரையும் இனி போற்றுமோ?

மோடியை முஸ்லிம்கள் ஏற்றுக் கொள்ள வேண்டுமாம்
முதலில் ராஜபக்சேக்கு சிவப்பு கம்பளம் விரிக்கலாமா?
தவறு செய்தவன் திருந்துவானென்றால் எல்லோருக்கும் பொதுதானே?

தனிமனிதன் யாரை கொன்றாலும் தவறு என்பது என் மதம்
எரிந்து போன உடல் முஸ்லிம் என்றால் உமக்கு சம்மதமா?

ஜாஃப்னாவின் உயிரும், ஜாஃப்ரியின் உயிரும் வலித்தது
புரட்சி புயலே மோடிக்கு மட்டும் ஜால்ரா ஏன்?

அப்போ உங்களை அரசியல் அநாதையாய் நிற்க வைத்தனரே
இப்போ எங்களை அநாதையாய் ஆக்க கங்கணம் கொண்டீரோ?

என்னது? மோடி தமிழினக் காவலனா? சிரிப்பு வருது…….
சுவாமியை கட்சியைவிட்டு நீக்க சொல்லுங்கள்
திராவிடன் தேசத் துரோகி என்றார் சுவாமி
அப்படியென்றால் நீங்கள் திராவிடன் இல்லையா?

இப்போதே கட்சியின் பெயரை மாற்ற தயாரா?
அல்லது சவமாகி போய்விட்ட ஒரு கட்சி தனது இறுதிச்
சடங்கினை செய்கிறது என பொருள் கொள்ளலாமா?