IP: 218.*.*.* Singapore

இந்த கடற்கரையை அழகு படுத்துகிறேன் என்று தமிழக சுற்றுலாத்துறை அறிவித்து நிதி ஒதிக்கி, அதை அன்றைய பேரூராட்சியும் அங்கீகரித்ததோ, அன்று ஆரம்பித்த முசீபத் இன்று வரை தொடர்கிறது. அன்று முதல் நமதூர் கலாச்சாரமும் சீரழிய தொடங்கியது.

ஞாயிற்றுக்கிழமை இங்கு வந்தால், நமதூரில் தான் இருக்கிறோமா? அல்லது மெரினா பீச்சுக்கு வந்துள்ளோமா? என்று சந்தேகம் கொள்ளும் நிலையில் தான் உள்ளது. மற்ற ஊரிலிருந்து வருபவர்களை நாம் சட்டப்படி தடுக்க முடியாது. இந்த கடைகள் இல்லாவிட்டால், வரும் கூட்டம் கொஞ்சம் குறையும்.

இப்படி திடீர் கடைகள் போடுவதனால், பலரின் பிழைப்பு ஓடுகிறதே, அதை ஏன் தடுக்க வேண்டும்? என்று சிலர் ஆதங்கப்படலாம். ஆனால் அங்கு எத்தனை அனாச்சாரங்கள் & அசிங்கங்கள், உள்ளூர் தறுதலைகள் மற்றும் மற்றவர்களால் ஏற்படுகிறது? அதை கண்டிக்க முடியாமல், கையாலாகத்தனத்தில் இருக்கிறோம்.

நம் கடற்கரையை பாதுகாக்க, 'கடற்கரை பயனாளிகள் சங்கம்' என்ற அமைப்பை துவக்கியவர்கள் இன்று என்ன செய்கிறார்கள்? என்று தெரியவில்லை. இந்த அவலம் தடுக்கப்பட வேண்டும். அந்த சங்கம் எந்த நோக்கத்திற்காக தொடங்கப்பட்டதோ, அந்த லட்சியம் நிறைவேற, சட்டத்திற்கு உட்பட்டு நடவடிக்கை எடுக்கலாம்.

நமது நகராட்சிக்கு உட்பட்ட இடத்தில், நகராட்சியின் அனுமதி இல்லாமல் அந்த கடைகள் போடப்பட்டிருந்தால், தலைவி உட்பட அனைத்து உறுப்பினர்களும், ஈவு, இறக்கம் காட்டாமல் நடவடிக்கை எடுக்க வேண்டும். தங்களுக்கு வேண்டிய சிலர் கடை போட்டிருந்தாலும் அல்லது வேறு காரனங்களுக்காகவும், பாரா முகமாக இருந்தால், நமக்கு தான் நஷ்டம்.

- சாளை அப்துல் ரஸ்ஸாக்.