IP: 116.*.*.* India

ஆசிரியர் அவர்கள் கட்டுரை சிந்திக்க வைக்கிறது. ஆனால் அல்லாஹ்வின் மீது ஆழ்ந்த நம்பிக்கை உள்ள பலர் நீங்கள் கூறும் 2வது மனிதர்கள், ஆலிம்கள் ஹாபிழ்கள் என்ற பரிணாமங்கள் இவர்களுக்கு உண்டு. உலகிலேயே பெரிய வெற்றியாளன் யாரென்ற கேள்விக்கு தனக்கு இறைவன் தந்திருப்பதைக் கொண்டு திருப்தி பட்டுக்கொள்பவன், மன நிறைவு கொள்பவன்தான் என்று நபிகள் நாயகம் சொல்வதை இவர்கள் விலாவாரியாக இந்த ஹதீதுக்கு ராவிகள் யார், இந்த ஹதீது எந்தெந்த நூல்களில் வருகின்றன என்பதையும் தெளிவாக மக்கள் முன் விளக்குவார்கள். ஆனால் அவர்களின் வாழ்க்கை நெறி வேறு விதமாக இருக்கும்.

துபாயில் வேலை பார்க்கும் ஒரு இளைஞன். புதிதாக திருமணம் செய்து பின்னர் வாழ்வாதாரம் தேடி அங்கு செல்கிறான். ஐந்து வருடங்கள் ஓடி விட்டன. ஊர் வரநினைக்கும்போது மனைவி சொல்கிறாள், நமக்கு என்று ஒரு வீடு இல்லை, நீங்கள் கொஞ்சம் பல்லைக் கடித்துக் கொண்டு அங்கு சம்பாத்தியம் பண்ணி அனுப்பினால் நாம் சொந்த வீட்டில் நிம்மதியாக இருக்கலாம். மனைவி சொல்வதிலும் நியாயம் இருக்கிறது...நாட்கள் ஓடுகின்றன..வீடும் தயாராகி விட்டது. இப்போது மனைவி எழுதுகிறாள், பக்கத்துக்கு வீட்டு நண்பன் புதிதாக ஒரு கார் வாங்கி அவர் மனைவியுடன் ஜாலியாக சுற்றுலா செல்கிறார். நீங்களும் ஒரு கார் வாங்கினால் நாமும் ஜாலியாக இருக்கலாம், நியாயம்தானே என்று கணவன் யோசித்து இன்னும் ஐந்து வருடங்கள் உழைக்கிறான், புதிய காரும் வாங்கியாகி விட்டது. இப்போது பல கனவுகளுடன் நாடு திரும்ப ஏற்பாடுகள் செய்கிறான். விமானம் தரை இறங்கியபோது ஏற்பட்ட தொழில்நுட்ப கோளாறுகளால் வந்த விபத்தில் இவன் அகால மரணம் அடைகிறான். செய்தி ஊருக்கு போகிறது. இப்போது குடும்பத்தினர்கள் ஆலோசனை நடக்கிறது.கணவன் மனைவி சந்தோஷமாக சுற்றிப் பார்க்க வாங்கிய காரை அனுப்பி, ஜனாஸாவை கொண்டு வர மனைவி சொல்கிறாள். போயும் போயும் மய்யிதையா புதிய காரில் கொண்டு வருவார்கள்,, கூடாது வாடகை கார் பிடித்து அதில் ஜனாஸா ஊர் வந்து சேர்க்கிறது. மய்யித்தை எங்கே வைப்பது, குளிப்பாட்டுவது? ஆசையாக கட்டிய புதிய பங்களாவில் வைக்குபடி மனைவி சொல்கிறாள். போயும் போயும் மய்யிதையா புதிய பங்களாவில் வைப்பார்கள். கூடி இருக்கும் பெருந்தலைகள் முடிவு செய்து பழைய ஓட்டு வீட்டில் மைய்யித் வைக்கப் படுகிறது, குளிப்பாட்டப் படுகிறது. யாருக்குமே சொந்தமில்லாத யாருமே உரிமை கொண்டாடாத ஒருவரும் எதிர்ப்பு தெரிவிக்காத அந்த பறந்து விரிந்து கிடக்கும் மைய வாடியில் அந்த மீளா துயில் கொள்கிறான். ஆடி அடங்கும் வாழ்க்கையடா...ஆறடி நிலமே சொந்தமடா...என்ற பாடல் எங்கிருந்தோ ஒலிக்க, அந்த இளைஞனின் மனைவியின் உள்ளம் படும்பாட்டை யார் அறிவார்.

இது துபாயில் இருந்து எனது மகன் மின்னஞ்சலில் எனக்கு அனுப்பிய சோகக் கதை. இது கதையாகவே இருக்கட்டும் யார் வாழ்விலும் இப்படி ஒரு சோகம் ஏற்படாமல் அல்லாஹ் காப்பாற்றுவானாக , ஆமீன்.