IP: 188.*.*.* Saudi Arabia

கால்நடைகள் என்றழைப்பதனால் அதன் கால்கள் போகும் திசைக்கு தன் விருப்பம்போல் வலம் வரட்டும் என்று அதன் உரிமையாளர்கள் உதாசீன மனத்துடன் மேய விட்டு விட்டார்களோ?

அப்படியொரு எண்ணமிருந்தால் அவர்களின்அலட்சியத்திற்கு தகுந்த அபதாரத்தை அவர்களிடம் வசூலிக்க வேண்டும் நம் நகராட்சி

நம் நகராட்சியில் ஒட்டுமொத்தமாக ஒருமித்த ஒப்புதளோடு ஒரு தீர்மானத்தை நிறைவேற்றவேண்டும்,அதாவது,

> இப்படி வீதியெங்கும் கேட்பாரற்று நடமாடும் மாடுகளை நகராட்சி ஊழியர் ஓட்டிவந்து நகராட்சி கட்டிடத்தில் கட்டிப்போட்டால்,ஒரு மாட்டிற்கு நூறு ரூபாய் அந்த ஊழியருக்கு இனாம் என்று அறிவிக்க வேண்டும்!

>கட்டப்பட்ட மாட்டு உரிமையாளர் மூன்று நாட்களுக்குள் வந்து அழைத்துப்போனால் 500 ரூபாய் அபராதத்தை அவரிடமிருந்து வசூலிக்கவேண்டும்!

>மூன்று நாட்களுக்கும் மேலும் எவரும் வரவில்லை என்றால் , ஒருநாளைக்கு நூறு ரூபாய் வீதம் அபராதத்தைக் கூட்டிக்கொண்டே போய்,கணிசமான தொகை ஏறிவிட்ட பின்னர்,அம்மாட்டை ஏலத்திற்கு விட்டு அந்த தொகையில் 25% சதவீதத் தொகையை அபராதத்தொகையாக மாநகராட்சி எடுத்துக்கொண்டு மீதியை மாட்டு உரிமையாளரிடம் கொடுக்க வேண்டும்.என்ற கடுமையான சட்டத்தை தீர்மானமாக நம் நகராட்சியில் நிறைவேற்றிப்பாருங்கள் பலன் கைமேல் கிட்டும்!

அதுசரி,பூனைக்கு யார் மணி கட்டுவது,அவ்வாள் தீர்மானம் கொண்டுவந்தால் இவ்வாள் எதிர்ப்பார்,இவ்வாள் தீர்மானம் கொண்டுவந்தால் அவ்வாள் எதிர்ப்பார்கள்! நடுவில் நாம்தான் வவ்வாளாக தொங்கிக்கொண்டு இருக்கிறோம்! அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!