IP: 188.*.*.* Saudi Arabia

இந்த விமர்சன சுவரொட்டியை ஒட்டியவர்களுக்கு உண்மையிலேயே ஒரு சதவீதமாவது நமதூரைப் பற்றி அக்கறை இருந்திருக்குமேயானால், அடுத்த ஊர்காரர்களும் நம் அண்ணன் தம்பிகள்தனே என்ற உறவை விரும்பி இருந்தால்,

அந்த காயல் ஊர்மக்களும், அங்குள்ள அமைப்புகளும் என்னதான் சொல்கிறார்கள் என்பதை ஒரு தடவையாவது கேட்போமே, அவர்களின் நிலைப்பாடு நியாயமற்றது என்றால் அதை அவர்களுக்கு சுட்டிக்காட்டுவோமே, அதையும் மீறி அவர்கள் நம்மை அலட்சியப்படித்தினால் அதற்குப்பின் அவர்களின் உண்மையற்ற நிலையை ஊரிலுள்ள அனைவர்களுக்கும் தெரியப்படுத்தும் வேலையில் இறங்கலாமே என்ற நிலையைத்தான் ஆறுமுகநேரிலுள்ள நடுநிலை வாதிகள் தேர்ந்தெடுப்பார்கள்!

ஆனால் இந்த சுவரொட்டியை ஒட்டிய வீணர்களோ, ஒரு மோசமான சதிசெயலுக்கு அடிமையாகி இவர்களை இயக்குபவர்களின் ஈனத்தனமான ஆணைகளுக்கு அடிபணிந்து அத்தலைமையின் கட்டளைகளை எந்த வடிவத்திலும் நிறைவேற்றவேண்டும் என்று, நம்முடைய எல்லா நிலைக்கும் எதிர்நிலை கட்டி வெறித்தனமாக வலம்வரும் வெறியர்கள் இவர்கள்!

தீமைக்குறிய காரியங்களை செய்வதில் எப்படி அவர்களின் ஒரு சிலர்கள் தீவிரம் காட்டுகிறார்களோ அதைப்பார்த்த பின்னராவது,அவர்களின் அநியாயச்செயலை நம் சிந்தையில் ஏற்றி,

நம் ஊரை, நம் மக்களை, நம் உடன்பிறவா சகோதர சகோதரிகளை காப்பாற்றுவது நம் தலையாய கடமையாகும். நாம் ஒட்டுமொத்தமாக போராடப்போகும் இந்த போராட்டத்தில் ஒருவர்கூட ஒதுங்கி விடாமல் ஒருமித்த உணர்வுவுடன் ஒருங்கிணைந்து ஒர் அணியாய் ஆர்ப்பரித்து, நம்முடைய ஆர்ப்பாட்டமும், ஆரவாரமும் அருகிலுள்ள அனைத்துப் பகுதிகளுக்கு மட்டுமல்ல அந்த நாசகார ஆலையின் அலறலையும் தாண்டி நம்முற்றுகை ஆர்ப்பாட்ட ஆராவாரம் ஓங்கி ஒலிக்கவேண்டும்!

இந்த ஆர்ப்பாட்டத்தின் வேகத்தையும், வீரியத்தையும் வலுவிழக்க எதிரிகள் உருவாக்கப்படுகிறார்கள், அவர்கள் உருத்தெரியாமால் ஓடி ஒழியவேண்டு மென்றால், அது நம் போராட்டத்தின் ஒற்றுமையின் உறுதியில்தான் இருக்கிறது.

இப்போராட்டத்தில் இந்த குறை அந்த குறை என்று எலும்புத்துண்டுகளுக்கு இரையாகும் சில ஈனப்பிறவிகள் ஒன்றிரண்டு இருப்பார்களேயானால், அவர்களை ஆரம்பத்திலேயே அடையாளம் கண்டு கழித்தெறியவும் தயங்காதீர்கள். அவர்கள் உண்மையான காயலர்கள் அல்ல.காயலர்கள் என்று சொல்லி கயமத்தனமாக வாழும் மனித உருவ மிருகங்கள்!

இந்த ஊர் மக்களுக்கு துரோகம் செய்யும் இவர்களை, இந்த நச்சு ஆலை கழிவுக்கிருமியின் தாக்கத்தால் உயிரிழந்த ஆத்மாவும், உயிரிழக்க நாட்கள் எண்ணப்படும் நமதருமை சகோதர, சகோதரிகளும், இன்னும் இந்த நோயினால் பலவழிகளிலும் பாதிப்புக்குள்ளான பல குடும்பங்களின் கொதிப்புகளும்,பதுவாக்களும் இவர்களையும் இவர்கள் குடும்பத்தார்களையும் இலேசில் விட்டுவைக்கும் என்று நினைக்கிறார்களா? அல்லாஹ் அனைவரையும் காப்பாற்றட்டும்!

இந்த அளவிற்கு என் கருத்து பதிவை எந்த ஒருநாளும் நான் பதித்ததில்லை, இப்படி எழுத என் மனம் தள்ளப்பட்டதற்கு காரணம் இந்த நச்சு ஆலைக்கழிவு கிருமியின் தாக்கத்தின் பாதிப்பால் நானிழந்த உற்ற நண்பர்கள், உறவினர்கள் மற்றும் இந்த கொடிய நோயினால் பீடிக்கப்பட்டு பல இலட்சங்களை இழந்து பரிதவிக்கும் பல குடும்பங்களின் கண்ணீர் குளத்தில் மூழ்கி மூச்சி திணறி பாதிப்புக்குள்ளானவர்களில் நானும் ஒருவன் என்ற நிலையில் இருந்ததால் என்னைப்போல் பாதிக்கபட்டவர்களுக்குதான் இதன் உண்மையான வலி தெரியும் என்பதால்தான் இப்படிப்பட்ட எழுத்துக்களை எழுதக்கூடிய துர்பாக்கிய நிலைக்கு தள்ளப்பட்டுள்ளேன்.

அல்லாஹ் அனைத்தும் அறிந்தவன்!

வேதனையுடன்,
முஹம்மது ஆதம் சுல்தான்!