IP: 212.*.*.* Saudi Arabia

அல்லாஹ் இவருடைய நல்ல பணிகளை ஏற்று அவருடைய கப்ர் வாழ்கையை விசாலமாக்கி வைப்பானாக! சொர்கத்தில் உயர்ந்த அந்தஸ்தை வழங்குவானாக!.

இவருடைய உதவி ஏதாவது ஒரு வகையில் தமிழக முஸ்லிம்களுக்கு சென்றடைந்து இருக்கும். அதுவும் நம்மூர் மக்களுக்கு சொல்லித் தெரிய வேண்டியதில்லை.

1983ஆம் ஆண்டு, நானும் என் நண்பன் கலீல் ரஹ்மானும் (தேங்காய்பட்டினம்) பத்தாம் வகுப்பு முடித்து விட்டு கீழக்கரையில் உள்ள சதக் பாலிடெக்னிகில் படிக்க முயற்சி செய்து கொண்டு இருந்த நேரம். பெரியவர் BSA அவர்கள் என் சாச்சப்பா (துணி உமர்) அவர்கள் வீட்டிற்கு வந்த நேரத்தில் எங்கள் வீட்டிற்கும் வந்திருந்தார்கள். (LMS ஸாமு அப்பாவும் உடன் வந்திருந்தார்கள்). அச்சமயம் என் தாயார் சதக் பாலிடெக்னிகில் எனக்கு சீட்டு கிடைக்க BSA அவர்களிடம் உதவி கேட்டார்கள். அதற்கு அவர்கள் சதக் பாலிடெக்னிக் தனது கல்வி நிறுவனம் அல்ல என்றும் ஏதாவது ஒரு வகையில் உதவி செய்வதாக வாக்களித்து விட்டு சென்றார்கள்.

சிறிது நாட்களுக்கு பின்பு பாளையம்கோட்டையில் இருக்கும் முஹம்மது இஸ்மாயில் ITI யிலிருந்து எனக்கு அப்ளிகேஸன் ஃபாம் வந்தது. நான் அந்த ITI க்கு அப்ளை செய்யவுமில்லை, ஃபாமுக்கு பணம் கட்டவுமில்லை. பிறகு விசாரித்ததில், BSA அப்பாவின் உதவியாளர் மூலமாக ஏற்பாடு செய்யப்பட்டுள்ளது என்பதை அறிந்து கொண்டேன்.

நான் அந்த கல்வி நிறுவனத்திலோ அல்லது BSA அவர்களின் கல்வி நிறுவனத்திலோ படிக்கவில்லை. இன்னும் அரபு நாட்டில் வேலை செய்தாலும், அவர்களின் தொழில் நிறுவனத்தில் வேலை செய்யவில்லை. ஆனாலும் ஏதாவது ஒரு வகையில் அவர்களின் உதவியை என் வாழ்வில் பெற்றுள்ளேன்.

இது போல மத மாச்சர்யங்களுக்கு அப்பாற்பட்டு எல்லா தரப்பு மக்களுக்கும் உதவி செய்துள்ளார்கள்.

அவர்களுக்கு அனைத்து மக்களின் துஆ நிச்சயமாக கிடைக்கும். வல்ல அல்லாஹ் அவர்களின் குடும்பத்தாருக்கு மன அமைதியை அளிப்பானாக! BSA அப்பாவை கப்ரில் புது மாப்பிள்ளை போல் தூங்க வைப்பானாக! மறுமையில் ஜன்னத்துல் பிர்தெவ்ஸ் எனும் மேலான சுவர்கத்தை வழங்குவானாக!

கண்ணீருடன்
பாளையம் சதக்கத்துல்லா