ஆக... முன்னாள் நகர்மன்றத் தலைவரே தனது நிலத்தைக் கொடுப்பதற்கும் முன்பாகவே நமது உறுப்பினர்கள் அந்த இடத்தில்தான் தீட்டம் வர வேண்டும் என்று தீர்மானம் நிறைவேற்றியிருப்பதை அறியும்போது என் உடம்பெல்லாம் புல்லரிக்கிறது.

அவர்கள்தான் இப்படி என்றால், நமது ஆணையரோ ஒரு படி மேலே போய், குப்பை கொட்டுவதை பிறகு பார்த்துக்கொள்ளலாம்; பயோமெத்தனேஷன் திட்டத்தை முதலில் கொண்டு வருவோம் என இந்த ஊர் நலனில் எவ்வளவு அக்கறை(???)யுடன் பேசியிருக்கிறார்!!!

ஹூம்... எல்லாம் நம் தலைவிதி! நம் நகராட்சியிலிருந்து ஒரு வீட்டு ப்ளான் அப்ரூவல் எடுப்பதற்குள் கிழவி குமரியாகிவிடும் காலத்தில், இப்படி மின்னல் வேகத்தில் செயல்படும் இவர்களைப் பாராட்ட (???) என்னிடம் வார்த்தைகளே இல்லை!

எனக்கு இன்னும் விடை கிடைக்காத கேள்விகள் என்னவென்றால்....

(1) நமது கண்ணியத்திற்குரிய முன்னோர்கள் நம் ஊர் நலன் கருதி, அப்போதைய ஊராட்சிக்குச் சொந்தமான நிலத்தில் குப்பை கொட்ட தீர்மானம் தீட்டி ஒதுக்கியிருந்த நிலத்தை இன்றளவும் பரிசீலிக்காமலே இருந்தது ஏன்?

(2) அந்த இடத்தில் இன்று பயோகேஸ் திட்டத்தை மட்டுமாவது கொண்டு வந்தால், அப்பகுதியில் ஏற்கனவே இருக்கும் பல்சமய மக்கள் அடங்கிய குடியிருப்புகளுக்கு இரவெல்லாம் வெளிச்சம் கிடைக்குமே...? அதை விட்டுவிட்டு, இன்றைய சூழலில் யாருக்கும் தேவையில்லாத சர்வே எண் 278இல்தான் பயோ கேஸ் திட்டமும் வர வேண்டும் என்று கருதுவதற்கு நியாயமான காரணங்கள் ஏதும் உண்டா? இதை உறுப்பினர்களை நோக்கியும், அதிகாரிகளை நோக்கியும், சர்வே எண் 278இல்தான் பயோகேஸ் வர வேண்டும் என்ற தொணியில் கருத்து எழுதிய என் அன்புச் சகோதரர்களை நோக்கியும் கேள்வியாக முன்வைக்கிறேன். தாங்கள் அளிக்கும் பொருள் பொதிந்த விளக்கத்தை திறந்த மனதுடன் ஏற்றுக்கொள்ள தயாராகவே உள்ளேன்.

(3) முன்னாள் நகர்மன்றத் தலைவர் அவர்கள் (ஆவணப் படி) குப்பை கொட்டுவதற்குத்தான் சர்வே எண் 278 நிலத்தைத் தந்துள்ளார்கள். அதை நடைமுறைப்படுத்துவதே தற்போது சட்டச்சிக்கலாக இருக்கும்போது, அவர்களே எதிர்பார்க்காத பயோகேஸ் திட்டத்தையும் அங்குதான் கொண்டு வருவோம் என துடியாய்த் துடிக்கும் உறுப்பினர்களே.... தங்கள் ஆர்வத்திற்கு நியாயமான காரணம் ஏதும் உள்ளதா, கூறுங்களேன்...

இவ்வளவு விபரங்களும் முன்னாள் நகர்மன்றத் தலைவர் அவர்களின் கவனத்திற்குச் சென்றுதான் இருக்கும். பொறுத்திருந்து பார்ப்போம்..........

நான் ஒரு விஷயத்தைத் தெளிவுபடுத்திக் கொள்கிறேன்...

யாரையும் புண்படுத்தவோ, விமர்சிக்கவோ அல்லது மறு சாராரைத் தூக்கி வைக்கவோ இக்கருத்தை நான் பதியவில்லை. இந்த ஊரின் ஒரு குடிமகன் என்ற அடிப்படையிலும், மர்ஹூம் எம்.கே.டி. அப்பா அவர்கள் ஒதுக்கிய நிலத்தை நேரடியாகச் சென்று பார்த்தறிந்தவன் என்ற அடிப்படையிலுமே இக்கருத்தை நான் பதிவு செய்துள்ளேன்.