இந்தியன் ஓவர்சீஸ் பெண்கள் பகுதி இன்று நேற்றல்ல பல வருடங்களாகவே ஆண்கள் பகுதிக்குத்தான் பெண்கள் வந்து தங்கள் வேலைகளை கவனிக்க வேண்டியுள்ளது.

ஊரிலேயே குறைந்த பணத்தில் 500 ரூபாய்க்கு வங்கி கணக்கு திறக்கும் வசதி இங்குதான் உள்ளது. ஊரில் இருக்கும் வங்கிகளிலேயே புழுக்கம் நிறைந்த வங்கியும் பண புழக்கம் நிறைந்த வங்கியும் இதுதான் . மணிக் கணக்கில் காத்துக் கிடந்து பணம் எடுக்க - போட, சந்தை கடை மாதிரி எப்போதும் கூட்டம் நிறைந்து வழிகிறது.

வருபவர்களுக்கு காற்று வசதி வெளிச்சம் பற்றி வங்கி மேலாளருக்கு கவலை இல்லை. அதிகாரிகள் அலுவலர்கள் மட்டும் சொகுசாக குளிரூட்டப் பட்ட இடத்தில இருக்கிறார்கள். சர்விசும் சரி இல்லை.

வங்கி மேலாளர் எப்போதும் எரிச்சலோடுதான் இருப்பார். ஒரு குறை தீர்க்க ஒரு குறை கேட்க அவரை அணுக முடியாது சில பங்களாக்களில் கேட்டு முன்னால் ஒரு போர்டு தொங்கும் "நாய்கள் ஜாக்கிரதை!". பார்த்தால் அங்கு நாய் இருக்காது. காவலாளி இருப்பார். அவரைத்தான் அப்படி சொல்கிறார்கள் என்று நாம் நினைத்துக் கொள்வோம். கிட்டத் தட்ட அதே நிலைதான் இங்கும்.

பொது நல அமைப்புக்கள், பெரியவர்கள் அங்கு போய் பார்த்தால் தெரியும், பெண்கள் படும் கஷ்டம். சில மாதங்களுக்கு முன் கேஸ் சிலின்டர் மானியம் விஷயமாக பெண்கள் இங்கு வந்து அல்லோல கல்லோல பட்டார்கள். இந்த குறைகளை மேலிடம் கண்டு கொள்வதில்லை. முறையாக அவர்களுக்கு நாம் அறிவிக்கவும் தவறி விட்டோம். இந்தியன் ஓவர்சீஸ் வங்கி கணக்குகளை நாம் எல்லோரும் ஏக காலத்தில் ரத்து செய்து மற்ற வங்கிகளில் முதலீடு செய்தால் மட்டுமே இதற்கு தீர்வு வரும்.

விழிப்புணர்வு கூட்டம் ஒன்று கண்டனக் கூட்டம் ஒன்று ஏற்பாடு செய்து சீதக்காதி திடல் அந்த வங்கியின் அருகிலேயே உள்ளது. அங்கே இந்த கூட்டத்தை நடத்தினால் நல்ல மாற்றம் ஏற்படும் என்பது எனது தாழ்மையான அபிப்பிராயம். SDPI ஊழல் ஒழிப்புக்காக லோக் ஆயுக்தா அமைக்க வேண்டும் என்று நமதூரில் நாளை மறுநாள் போராட்டம் செய்யவிருப்பதாக இணைய தளம் மூலம் அறிகிறேன். அவர்கள் அஜெண்டாவில் இந்த விஷயத்தையும் சேர்த்தால் நல்லது என்று அவர்களையும் வேண்டிக் கொள்கிறேன்.

நீரோட்டம் இல்லாமல் நிலம் விளையாது
போராட்டம் இல்லாமல் நலம் விளையாது.