IP: 86.*.*.* United Arab Emirates

எத்தனைக் காலம் தான் ஏமாற்றுவார் இந்த நாட்டிலே இன்னும் எத்தனைக் காலம் தான் ஏமாற்றுவார் இந்த நாட்டிலே சொந்த நாட்டிலே நம் நாட்டிலே

சத்தியம் தவறாத உத்தமர் போலவே நடிக்கிறார்
சத்தியம் தவறாத உத்தமர் போலவே நடிக்கிறார்
சமயம் பார்த்து பல வகையிலும் கொள்ளை அடிக்கிறார்
சமயம் பார்த்து பல வகையிலும் கொள்ளை அடிக்கிறார்

பக்தனைப் போலவே பகல் வேஷம் காட்டி
பாமர மக்களை வலையினில் மாட்டி
எத்தனைக் காலம் தான் ஏமாற்றுவார் இந்த நாட்டிலே
சொந்த நாட்டிலே நம் நாட்டிலே.

1954-ஆம் ஆண்டு வெளிவந்த, தேசிய விருது பெற்ற முதல் தமிழ் திரைப்படமான மலைக்கள்ளன் திரைப்படத்தின் மேற்சொன்ன பாடல் வரிகள் அனைத்து குற்றவாளிகளுக்கும் பொருந்தும்.

தமிழ் தி-இந்து இணையத்தில் இன்றைய 'நிகழ்நேரப் பதிவு: ஜெயலலிதா வழக்கின் தீர்ப்பு' என்ற செய்தியில்

//10.55 AM: திமுக தலைவர் கருணாநிதி கட்சி நிர்வாகிகளுடன் ஆலோசனை. திமுக பொருளாளர் மு.க.ஸ்டாலின், முன்னாள் மத்திய அமைச்சர்கள் டி.ஆர்.பாலு, ஆ.ராசா ஆகியோர் ஆலோசனையில் ஈடுபட்டுள்ளனர்//.

என்ற பதிவைப் பார்த்ததுமே நான் உறுதியாக நம்பினேன் தீர்ப்பு இப்படித்தான் வரும் என்று.

தீர்ப்பு எப்போது வெளியிடப்படும் என்று ஒரு சு.பா. வே முற்கூட்டி சொல்லும்போது, அதிகார வர்க்கத்தில் கோலோச்சிய இவர்களுக்கு தீர்ப்பு எவ்வாறு இருக்கும் என்ற தகவல் கசியாமலா இருந்திருக்கும்?. ஆனாலும் சும்மா சொல்லக்கூடாது, ஊழல் என்றால் என்னவென்றே அறியாத உத்தமர்கள் அல்லவா இவர்கள்.

ஒரு உத்தமருக்கு(?) வழங்கப்பட்டுள்ள இத்தீர்ப்புக்கு எதிராக மற்றொரு உத்தமர்(?) கூட்டம் எவ்வகையான மேல் முறையீடு நடவடிக்கைகளை மேற்கொள்ளப்போகிறது, அதன் மீதான தீர்ப்பு எவ்வாறு வரப்போகிறது என்பனவற்றை பொறுத்திருந்து பார்ப்போம்.