IP: 128.*.*.* Romania

சகோதரர் முஹம்மது லெப்பை அவர்களே உங்கள் விருப்பத்தை ஒரு நகைசுவையாகவே நான் எடுத்து கொள்கிறேன்! இப்பொழுது இந்த பெண்மணி படும்பாடு போதாதா? இன்னும் ஐந்து ஆண்டுகள் மென்மேலும் அனுபவிக்க வேண்டுமா? ஒரு முஸ்லிம் பெண் என்றுகூட பாராமல் அவர்மீது எப்படிப்பட்ட இழிவான வசனங்கள் வீசப்பட்டன.அவரின் உடை,நடை,பாவனை அனைத்தையும் அங்குலம் அங்குலமாக அடுத்த இனத்தவர் முதல் அந்த நகர்மன்றத்தாராலும் ,வெளியினராலும் விரசமான ரசனை சொட்ட சொட்ட செவிகளால் கேட்க முடியாத வார்த்தைகளால் வர்ணித்தார்களே அப்படிப்பட்ட அவமானங்களை சுமந்த பெண்மணிக்கு மேலும் ஐந்தாண்டுகளா?

ஒரு தலைவியை தார்மீகமாக எதிர்ப்பது ஜனநாயகம் .தரக்குறைவாய் விமர்சிப்பது என்பது என்ன?அப்படி என்னதை விமர்சித்து விட்டோம் என்று கேட்பவர்களே,உங்களுக்கு மேலே ஒருவன் ஒன்றுவிடாமல் பார்த்தவனாகவும் அறிந்தவனாகவும் இருக்கிறான் அவனுக்கு இன்றோ நாளையோ பதில் சொன்னால் போதும்!

நகராட்சி வேலைக்காக தன் சொந்த வாகனத்தையும், ஆட்டோவையும் உபயோகிக்கும் ஒரு மன்ற தலைவர் தனக்கு அரசாங்கம்அனுமதித்திருக்கும் உரிமையில் ஒரு வாகனத்தை வாங்க முனைவது,எந்த வகையில் தவறு?, ஏதோ தலைவி பெரும் பாவமான காரியத்தை செய்யப்போகிறார் என்று பொங்கி எழுந்து,படைதிரண்டு இந்த பிரபஞ்சமே வெடித்து விடும் அபாயத்தில் இருப்பதுபோல் அலறுபவர்களை பார்க்கும்பொழுது அவர்களின் உள்நோக்கம் அப்பட்டமாக தெரிகிறது. நமக்கே வேதையாக இருக்கும் பொழுது சம்பந்தப்பட்ட தலைவி கொதித்தெழுவதில் என்ன தவறு இருக்க முடியும்!

அந்த கொதிப்பின் வெடிப்பால் வெளி வந்த வார்த்தைகள்தான் எனக்கெதிராக சதித்திட்டம் வகுத்து வாகனத்தை வங்க தடை செய்கிறீர்கள், இனிமேல் இங்கு எந்த காரியமும் எப்படி நடக்கும் என்பதை பார்ப்போம்,அதை எப்படி தடை செய்கிறேனென்று பாருங்கள் என்கின்ற வார்த்தைகள் வெறுப்பின் கொதிப்பின் உச்சாணியில் உதிர்ந்து விட்ட சொற்கள்!

அந்த ஒற்றைவார்தகளை பிடித்துக்கொண்டு பார்த்தீர்களா?பார்த்தீர்களா?ஊரை நாசம் பண்ணும் உதவாக்கரை தலைவியின் பேச்சை என்று ஊர் முழுவதும் விளம்பரம்! இந்த நிகழ்வுகளின் உண்மை நிலையை நடுநிலையானவர்களும்,நீதமானவர்களும் அறியாமளா போவார்கள்!

தலைவி அவர்கள் கொதித்து சொன்னாலும்,சாதாராணமாக சொன்னாலும் இறைவன் அறிய அவர்சொன்ன வார்த்தையில் எனக்கு உடன்பாடில்லை! அதே நேரம் தலைவி சொன்ன இந்த வார்த்தைகளைவிட எத்தனையோ நிகழ்வுகளாலும் ஈனத்தனமான,இரு காதுகளையும் பொத்தக்கூடிய கழிசடை வார்த்தைகளாலும் வருத்தெடுக்கப்பட்டவர்தான் இத்தலைவி

ஆனால் இந்த தலைவிக்கு எதிராக இமயமலை சக்திகளை ஒன்றுதிரட்டி அரசியல் தலைவர்கள் முதல்,அணையுடைந்த வெள்ளமென பாய்ந்த பணபலம் வரை அனைத்தையும் உபயோகித்து பார்த்தாகி விட்டது,அந்த பெண்மணியிடம் எந்த பருப்பும் வேகவில்லை,விழுந்து,விழுந்து வீழ்ந்ததுதான் மிச்சம்,ஆனால் என் மீசையில் மண் ஒட்டவில்லை என்ற ஒய்யாரக்கொண்டை ஓசையைத்தான் கேட்க முடிந்தது!

நமதூருக்கு விடிவு காலம்தான் எப்போது?அதை எப்போதும் யாராலும் கொடுக்க முடியாது.எவர் ஆட்சித்தலைவராக வந்தாலும் அவர் நிழலாதிக்க சக்த்தியின் கீழ்தான் இயங்கவேண்டும். அந்த ராஜாக்கள் கிழித்த கோட்டை தாண்ட முடியாது.அது தலைவராக இருந்தாலும்,அங்கத்தினராக இருந்தாலும் ஒரு அங்குலம் கூட நகர்ந்து இந்த நகரத்திற்கு நன்மை செய்திட முடியாது..இதே சிந்துபாத்து கதைதான் தொடரும் இது நம்மூரின் தலை நசீபு.அல்லாஹ்தான் காப்பாற்ற வேண்டும்.அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!