IP: 117.*.*.* India

அஸ்ஸலாமு அலைக்கும் (வரஹ்).

நமது பகுதியில் இந்த புதியமுறை நடைமுறைப் படுத்தப்படவில்லை என்றாலும்கூட பொதுவாக இந்த புதிய முறை மக்கள் மத்தியிலே அதிருப்தியைத்தான் ஏற்படுத்தியிருக்கிறது. நடைமுறையில் உள்ள பழைய முறையே எல்லா வகையிலும் சிறந்ததாக தெரிகிறது.

இரண்டு மாதங்களுக்கொருமுறை பணம் கட்டுவது பழக்கத்தில் உள்ளதால் அதில் எந்த சிரமமும் தெரிவதில்லை. ஒரு மாதம் விட்டு, மறுமாதம் 15 ம் தேதி மின் கட்டணம் கட்ட கடைசி தேதி என்பதை எல்லோரும் அறிந்து முறைப்படுத்தி வருகின்றனர்.
------------------------------------
புதிதாக உள்ள நியமம்படி மாதம் தோறும் மின் கட்டணம் கணக்கு எடுத்து அதிலிருந்து 20 நாட்களுக்குள் கட்டணத்தை கட்ட வேண்டும் என்பது நடைமுறைக்கு ஒத்துவராது காரணம்,
மின் கணக்கு எடுப்பவர் எந்த தேதியில் வருவார் என்பதை எப்படி தெரிந்துக் கொள்வது?

அவர் வந்தபோது வீட்டில் ஆள் இல்லை என்றால் எப்படி? எந்த கணக்கை வைத்து கட்டணம் கட்டுவது?

அப்படி விடுபட்டவர்களுக்கு பணம் கட்ட கடைசி நாள் எது? எப்படி எதை வைத்து கணக்கிடுவது?

கணக்கெடுக்கப்படவில்லை என்றால் அந்த மாதம் பணம் கட்ட வேண்டாமா?

அப்படி எத்தனை மாதத்திற்கு பணம் கட்டாமல் நிலுவையில் வைத்திருக்கலாம்?? இப்படி பல கேள்விகள் உதயமாகிறது.
------------------------------
ஒவ்வொரு மாதமுமோ அல்லது இரண்டு மாதத்திற்கொரு முறையோ எப்படி கணக்கெடுத்தாலும் சரி, பணம் கட்டவேண்டிய கடைசி தேதியை இப்பொழுது இருப்பது போல் ஒவ்வொரு மாதமும் 15 என்றோ அல்லது 20, 25 என்று ஏதோ ஒரு தேதியை முடிவு செய்து மக்களுக்கு உறுதிப்படுத்தினால் நல்லது.

அப்படி செய்தால் ஒவ்வொரு மாதமும் கடைசி நாள் வரும் முன்பே பணம் கட்ட வசதியாக இருக்கும். மின் கணக்கு எடுக்கப்படாமல் இருந்தால் கூட, மக்களே மின் வாரியத்திற்கு வந்து முந்திய மாத கணக்குப்படியோ அல்லது எது விதிமுறையோ அதன்படி பணத்தை செலுத்தி மின் இணைப்பு துண்டிக்கப் படுவதை தவிர்த்துக்கொள்வார்கள்.
------------------------------------------
தமிழ்நாடு மின் வாரியமே!

ஒவ்வொரு மாதமும் மின் கணக்கு எடுத்து கட்டணம் செலுத்த வேண்டும் என்றால் - கணக்கு எடுப்பவர், அதை பதிகிறவர், பணம் வசூல் செய்பவர் இப்படியாக ஒவ்வொரு பிரிவிலும் இரண்டு மடங்கு ஆட்களை நியமிக்க வேண்டியதிருக்கும்.

அதிக ஆட்கள் நியமிக்கப்படாமல் இருக்கும் பட்சத்தில் கணக்கு எடுப்பதிலும் - பணம் கட்டுவதிலும் அதிகமான தொல்லைகள் ஏற்படும். அதனால் மக்களுக்கும் ஏன் மின் வாரிய ஊழியர்களுக்கும்கூட மன உளைச்சல் ஏற்படும்.

எனவே இவைகளை எல்லாம் மனதில் நிறுத்தி மக்களுக்கும் உங்களுக்கும் உபயோகப்படுகிற நல்ல திட்டமாக திருத்தி செயல்படுத்துவீர்களாக. வஸ்ஸலாம்.