Kayal on the Web

செய்திகள்

செய்தி எண் (ID #) 6029

#KOTW6029

சனி, ஏப்ரல் 23, 2011

புதிய மின் கட்டணம் முறையால் குழப்பம்: பழைய முறையே தொடர வலியுறுத்தல்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3688 முறை பார்க்கப்பட்டுள்ளது | வாசகர் கருத்துக்கள் காண (9) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

புதிய மின் கட்டணம் செலுத்தும் முறையால் பல்வேறு குழப்பங்கள் ஏற்படுகின்றன. எனவே, மீண்டும் பழைய முறையையே அமல்படுத்த வேண்டும் என, தூத்துக்குடி மாவட்ட நுகர்வோர் உரிமை மற்றும் சுற்றுப்புறச் சூழல் பாதுகாப்பு சங்கம் கோரிக்கை விடுத்துள்ளது.

இது தொடர்பாக அச்சங்கத்தின் தலைவர் ஆ.சங்கர் தமிழ்நாடு மின்சார வாரியத் தலைவருக்கு அனுப்பியுள்ள மனுவில் கூறியிருப்பதாவது:-

தமிழகத்தில் மின்சார கட்டணம் செலுத்துவதில் குளறுபடி நிலவுவதால் பொதுமக்கள் கடும் அவதிக்கு ஆளாகியுள்ளனர்.

தமிழகம் முழுவதும் இரண்டு மாதங்களுக்கு ஒருமுறை மின் கட்டணம் செலுத்தும் முறை இருந்து வந்தது. முதல் மாதம் கணக்கெடுக்கப்பட்டால், அடுத்த மாதம் 15ஆம் தேதிக்குள் மின் கட்டணம் செலுத்தி வந்தனர்.

இதில், எவ்வித குழப்பமும் இல்லாமல் பொதுமக்கள் சிரமமின்றி மின் கட்டணம் செலுத்தினர்.

இதில், 15ஆம் தேதிக்குள் மின் கட்டணம் கட்டத் தவறியவர்களுக்கு மட்டும் மின் இணைப்பு துண்டிக்கப்படுவதோடு அபராதமும் விதிக்கப்பட்டு வந்தது.

இந்நிலையில், கடந்த 6 மாதங்களுக்கு முன் தமிழக அரசு புதிய மின் கட்டணம் செலுத்தும் முறையை அறிமுகம் செய்தது. இதில், மாதந்தோறும் மின் கட்டணம் கணக்கெடுத்து, கணக்கெடுத்த தேதியில் இருந்து 20 நாள்களுக்குள் மின் கட்டணம் செலுத்த வேண்டும் என்று புதிய உத்தரவை பிறப்பித்தது.

கடந்த 2 மாதங்களுக்கு முன்பு இந்த புதிய திட்டம் நடைமுறைக்கு வந்தது. மின் கட்டணம் கணக்கெடுப்பவர்கள் எந்த நேரத்தில் வருவார்கள் என்பது தெரியாததால் மின் நுகர்வோர், பொதுமக்கள் மற்றும் வியாபாரிகள் கடும் அவதிக்குள்ளாகி உள்ளனர். மின் கட்டணம் செலுத்தாததால் மின் இணைப்பைத் துண்டித்து அபராதமும் விதிக்கின்றனர். இதனால், மின்வாரிய ஊழியர்களுக்கும், பொதுமக்களுக்கும் இடையே கடும் வாக்குவாதம் ஏற்படுகிறது.

எந்த நேரத்தில் மின் கட்டணம் கணக்கெடுக்கிறார்கள். எத்தனை தினங்களுக்குள் செலுத்த வேண்டும் என்பதை மின்வாரியம் தெளிவாக தெரிவிக்க வேண்டும். விவரம் தெரியாத மக்கள் மின் கட்டணம் செலுத்துவதில் குழப்பமடைந்துள்ளனர்.

இதனால், சம்பந்தப்பட்ட அதிகாரிகள் பழைய நடைமுறைப்படி 2 மாதங்களுக்கு ஒருமுறை கணக்கெடுத்து மின் கட்டணம் செலுத்த நடவடிக்கை எடுக்க வேண்டும். மேலும், இதற்கு முன்பு இருந்ததை போல மாதத்தின் 15ஆம் தேதியை மீண்டும் மின் கட்டணம் வசூல் செய்வதன் கடைசி நாளாக அறிவிக்க வேண்டும் என்றார் அவர்.

நன்றி:
தினமணி நாளிதழ் (நெல்லை பதிப்பு - நாள்: 23.04.2011)

{TAGS} eb electricity board eb billing

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Knowledge
posted by Ibrahim (Chennai) [23 April 2011]
IP: 58.*.*.*

India | Comment Reference Number: 4094

Ada.. Arivukettavaingala. Unit cost will cumulated for Two months if old method would followed by us. Where we've to go and tell this issue?