{ முகநூல் கருத்துக்கள்}{ட்விட்டர் கருத்துக்கள்}

கால்பந்து, க்ரிக்கெட் என பல்வேறு விளையாட்டுப் போட்டிகளை காயல்பட்டினத்திலும், ஹாங்காங்கிலும் நடத்தி வரும் வி-யுனைட்டெட் ஸ்போர்ட்ஸ் க்ளப் சார்பில் வரும் மே மாதம் 14ஆம் தேதியன்று காயல் ப்ரீமியர் லீக் க்ரிக்கெட் போட்டி நடத்தப்படவுள்ளது. இப்போட்டி குறித்து வி-யுனைட்டெட் சார்பில் வெளியிடப்பட்டுள்ள அறிக்கை பின்வருமாறு:-

நமது வி-யுனைட்டெட் ஸ்போர்ட்ஸ் க்ளப் சார்பில் சென்ற ஆண்டு நடத்தப்பட்ட காயல் ப்ரீமியர் லீக் க்ரிக்கெட் போட்டி நம் நகர மக்களிடையே பெரும் எதிர்பார்ப்பை ஏற்படுத்தியுள்ளது. சென்ற ஆண்டைப் போலவே இவ்வாண்டும் நமதூரைச் சார்ந்த - அனுபவமிக்க சிறந்த வீரர்கள் இப்போடியில் பங்கேற்கவுள்ளனர்.

காயல் ப்ரீமியர் லீக் இரண்டாமாண்டு க்ரிக்கெட் போட்டிகள் வரும மே மாதம் 15ஆம் தேதி துவங்கி தொடர்ந்து நடைபெறவிருக்கிறது. இப்போட்டியில் கலந்துகொள்ள விருப்பமுள்ளோர் காயல்பட்டினம் தைக்கா பஜாரில் அமைந்துள்ள அல்தாஃப் எண்டர்ப்ரைசஸ் அல்லது பிரதான வீதியிலுள்ள பிஸ்மி கிஃப்ட் அன்ட் ஃபேன்ஸி ஆகிய வணிக நிறுவனங்களில் இதற்கான விண்ணப்பங்களைப் பெற்று, பூர்த்தி செய்யப்பட்ட படிவங்களை அதே நிறுவனங்களில் வரும் மே மாதம் 05ஆம் தேதிக்குள் சமர்ப்பித்து, போட்டியில் தமது பங்கேற்பை உறுதி செய்துகொள்ளும்படி அன்புடன் கேட்டுக்கொள்கிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
வி-யுனைட்டெட் ஸ்போர்ட்ஸ் க்ளப் சார்பில்,
S.R.B.ஜஹாங்கீர் மூலமாக,
M.M.ஷாஹுல் ஹமீத்,
ஒருங்கிணைப்பாளர்,
காயல் ப்ரீமியர் லீக்.