{ முகநூல் கருத்துக்கள்}{ட்விட்டர் கருத்துக்கள்}

தமிழகம் முழுவதும் 7 லட்சத்துக்கும் மேற்பட்ட மாணவர்கள் பிளஸ் 2 தேர்வு எழுதினர். இந்த தேர்வு முடிகள் வருகிற 14ஆம் தேதி திட்டமிட்டபடி வெளியாகும் என பள்ளிக்கல்வித்துறை செயலர் சபிதா தெரிவித்தார்.

உலக புத்தக தினம் விழா சென்னை எழும்பூர் கன்னிமாரா நூலகத்தில் நடைபெறுகிறது. இதற்கான 2 நாட்கள் கண்காட்சியை பள்ளிக் கல்வித்துறை செயலாளர் சபீதா இன்று தொடங்கி வைத்தார். அவரிடம் பத்திரிக்கையாளர்கள் பிளஸ்-2, எஸ்.எஸ்.எல்.சி. தேர்வு முடிவுகள் எப்போது வெளியிடப்படும் என்று கேட்டனர். அதற்கு சபீதா பதில் அளித்து கூறியதாவது:-

ப்ளஸ்-2 தேர்வு முடிவுகள் மே 14ஆம் தேதி வெளியாகும். எஸ்.எஸ்.எல்.சி. தேர்வு முடிவுகள் மே 25ஆம் தேதி வெளியிடப்படும். பிளஸ்-2 தேர்வு விடைத்தாள் திருத்தும் பணி நிறைவடைந்து விட்டன. எஸ்.எஸ். எல்.சி. விடைத்தாள் திருத்தும் பணி நடந்து வருகிறது. தேர்வு முடிவுகள் அரசு சார்பில் பள்ளிக்கல்வி இணைய தளத்தில் மட்டும் வெளியிடப்படுகிறது. இதில் ஒரே நேரத்தில் மாணவர்கள் முடிவை பார்க்க முயற்சிக்கும்போது, அது முடங்கி விடுகிறது.

தேர்வு முடிவை உடனே அறிய முடியாமல் சிரமப்படுகின்றனர். மாணவர்கள்-பெற்றோரின் சிரமத்தை தவிர்க்க கூடுதலாக மேலும் சில இணைய தளங்களில் ப்ளஸ்-2, எஸ்.எஸ்.எல்.சி. தேர்வு முடிவுகளை வெளியிட பரிசீலனை செய்து வருகிறோம்.

இவ்வாறு அவர் கூறினார்.

Kayalpatnam.com இணையதளத்தை நடத்தும் தி காயல் பர்ஸ்ட் டிரஸ்ட் உடைய மற்றொரு இணையதளமான - www.topperstalk.com, காயல்பட்டினம் உட்பட தமிழகத்தில் உள்ள அனைத்து மாணவர்களின் முடிவுகளை அதிகாரப்பூர்வமாக - கடந்த ஆண்டுகளை போல் - இவ்வாண்டும் வெளியிட உள்ளது.

தகவல்:
www.chennaionline.com