IP: 188.*.*.* Saudi Arabia

அன்பு சகோ. அப்துல் அவர்களே (முழுப்பெயரை போடலாமே, அப்து என்றால் அடிமை என்று பொருள்), தாங்கள் எழுதிய கருத்துக்கு நான் முற்றிலும் மாறுபடுகிறேன். கோபம் இல்லைதானே.

தற்போது உள்ள குழந்தைகள் எங்கு விளையாடுகிறார்கள் என்று இருந்து இருக்க வேண்டும் உங்களுடைய கருத்தில்.. எப்போது பார்த்தாலும் படிப்பு, டியூஷன், ஸ்பெஷல் கிளாஸ், அப்பாப்பள்ளி தெருவில் ஒரு டியூஷன், அதை முடித்துவிட்டு நெய்னா தெருவில் டியூஷன், சைக்கிளில் மாங்கு மாங்கு என்று செல்வதை பார்த்தால் பாவம்.

நம் காலம் மாதிரி யார் விளையாடுகிறார்கள். எத்தனை பிள்ளைகளுக்கு பம்பரம், கீச்சிக்கம்பு, கிரியாச்சி, போலா, கபடி போன்ற விளையாட்டுகள் தெரியும்.

மிஞ்சிப் போனால் இரண்டு மூன்று காட்டுக் கம்புகளை கையில் வைத்து காடு, மேடுகளை சுத்துகிறான்கள்.

என்னாங்கடா ஒருமணி நேரமாக இப்படி சுத்திகொண்டு இருக்கிறீர்கள், யாரைடா அடிக்கப்போகிறீர்கள்..

இல்லை காக்கா.. கிரிக்கெட் விளையாடப் போகிறோம், யாரும் அவங்க வீட்டுக்கிட்டே விளையாட விடமாட்டீன்கிறார்கள், காலி மனைகளும் கிடையாது, விளையாட்டு கிரௌண்டுக்கு போனால் அங்கு பெரிவர்கள் விரட்டுகிறார்கள், நாங்க எங்கு போவது..

சரியா கேள்விதான்.

அப்புறம், கல்வின் தரம் குறைந்து வருகிறது என்று யார் சொன்னார்கள், சும்மா எல்லாம் அடித்து விடக்கூடாது.

சென்ற வருடம் அமெரிக்க அதிபர் ஒபமா அவர்கள் அமெரிக்க பல்கலைகழக விழாவில், அமெரிக்க மாணவர்களைப் பார்த்து "நன்கு படியுங்கள், இல்லை என்றால் உங்களுடைய வேலை ஒரு இந்தியனுக்கு சென்று விடும்" என்று.

தற்போது வெளிநாடுகளில் பெரிய பெரிய பதவிகளில் இருப்பவர்கள் நம் நாட்டில், நம் கிராமத்தில், நம் பள்ளிக்கூடத்தில் படித்தவர்கள்தான். இப்போ சொல்லுங்க நம் கல்வியின் தரம் குறைந்து கொண்டு வருகிறதா?

இன்றைய காலகட்டத்தில் அதுவும் போட்டி நிறைந்த உலகத்தில் இப்படி கஷ்டப்பட்டு படித்தால்தான் நிலைக்க முடியும். ஒரு மார்க் வித்தியாசத்தில் ஒருவருக்கு சென்னை மருத்துவக் கல்லூரி இல் சீட் கிடைக்கின்றது, மற்றவருக்கு ஒரு வசதியும் இல்லாத தேனி மருத்துவக் கல்லூரி.

ஆதலால் பிள்ளைகளை நன்கு படிக்க சொல்லுங்க, நல்ல தட்டிக்கொடுத்து, ஊக்கம் கொடுத்து, நல்லது கேட்டது எடுத்து சொல்லுங்கள்,

முதல் ரேங்க், FIRST RANK என்று கசக்கிப் பிழியாதீர்கள் (இருப்பதோ ஒரு FIRST ரேங்க், நாற்பது௦ பெற்றோர்களும் தன் பிள்ளை மட்டும் FIRST RANK வாங்கணும் என்றால் எப்புடி...)

ஆகவே குழந்தைகள் முருங்கை மரம் மாதிரி, தேவைக்கு கீரைகளை ஒடித்து ஒடித்து வளர்த்தால்தான் பயன் தரும். மரத்தில் அதிக அழுத்தம் கொடுத்தாலோ, அதிகமாக காற்று அடித்தாலோ, கீரைபறிக்கின்றேன் என்று மரத்தின் மேல் ஏறினால் என்ன ஆகும் தெரியும்லே... பார்த்து நடந்துக்கோங்க...

சாளை S.I.ஜியாவுதீன், அல்கோபார்