IP: 59.*.*.* India

தலைவியின் ஆதங்கம் சரியானதே. மக்கள் அதிகம் உபயோகிக்கும் இந்த சாலை தரமானதாக இருக்க வேண்டும் என்பதில் மாற்று கருத்து இல்லை.

அதே நேரத்தில் நமதூரை அடுத்துள்ள திருச்செந்தூரில், நமதூரை விட மிக அதிகம் கனரக வாகனங்கள் செல்லும் திருச்செந்தூர் கோயில் போகும் வழியிலும் (பஸ் ஸ்டான்ட் அருகில்) மற்றும் திருநெல்வேலிக்கு திரும்பும் வளைவிலும் இதே பேவர் பிளாக் கல் (paver block) தான் பதிக்கப்பட்டுள்ளது. ஊரில் இருப்பவர்கள் நேரில் சென்று பார்த்துக் கொள்ளலாம்.

அங்கு ஒரு நாளைக்கு எத்தனை பஸ் (பஸ் ஸ்டாண்ட்- கோயில்- பஸ் ஸ்டாண்ட்) போய் வருகிறது?. மேலும் தி.வேலி, நாகர்கோயில் செல்லும் கனரக வாகனங்கள் அனைத்தும் இதே சாலையில் தான் செல்கிறது.

அந்த சாலையை ஒப்பிடும்போது நமதூர் ஸி-கஸ்டம்ஸ் சாலை எந்தளவுக்கு கனரக வாகனங்கள் செல்கிறது என்பதை வாசகர்கள் அறிவார்கள்.

ஆனால், போடப்படும் சாலை, தரமானதாக இருக்க வேண்டும் என்பதே அனைவரின் ஆதங்கம். அதில் சமரசம் செய்ய முடியாது.

ஏற்கனவே போடப்பட்ட சில சாலைகளை, ஓர் அமைப்பு கண்காணித்து, தரமான சாலை அமைய உதவியது போல், இந்த சாலையும் அரசின் தரக்கட்டுப்பாடு மற்றும் ஒப்பந்தபுள்ளியில் குறிப்பிட்டவாறு போடப்படுகிறதா என்று பொதுமக்கள் அனைவரும் விழிப்போடு இருந்து தரமான சாலை அமைய பாடுபடுவோம்.

மொத்தத்தில் தரமான சாலை அமைந்தால் சரி.

-சாளை அப்துல் ரஸ்ஸாக்.