நம் மண்ணில் விஷத்தை விதைத்து நம் மக்களையே காவு வாங்கி மண்ணோடு மண்ணாகிப் போனவர்கள் ஒன்றல்ல...இரண்டல்ல..!
கொடிய கான்சர் நோய்க்கு ஆளாகி மாண்டவர் குடும்பத்தாரிடம் போய் கேளுங்கள். அவர்களுக்குத்தான் தெரியும் அதன் வலியும் , வருத்தமும்...!
DCW ஊர் நச்சாலை...! கொல்லி நோயை பரப்பி வரும் ஆபத்தான ஆலை...! அதனை அடிவேரோடு பிடுங்கி எறிய ஒட்டு மொத்த ஊர் மக்களும் ஒத்துழைத்து தொடர் போராட்டம் நடத்தி வரும் வேளையில் நமதூர் தைக்காவுக்குத் தேவையான நிதியை குள்ள நரித் தனமாக கிடைக்கு இரண்டாடு கேட்கும் வகையில் உள்ளே புகுத்திய கயவர்களின் கயமைத் தனத்தை ஒருமையில் இல்லை, ஒட்டு மொத்த பன்மையில் சாடினாலும் தவறில்லை...!
கடைசி வரை பணஉதவி யாரிடமிருந்து பெறப்படுகிறது என்பதை மறைத்து வைத்து கபட நாடகமாடிய ஜோடிகளை விமர்சிப்பது நான் எனது மண்ணுக்கு செய்யும் கடமை! இதில் நளினமும், நயமும் பேணப்பட வேண்டும் என்பதில் எனக்கு உடன்பாடு இல்லை...!
ஊரையே உலை வைத்து வயிறு வளர்க்கும் கேவலமான பிறவி நானில்லை...! கோபம் வரத்தான் செய்யும்...! பொறுத்தருள்க...!
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
Singapore
