IP: 117.*.*.* India

அஸ்ஸலாமு அலைக்கும் (வரஹ்).

மக்கள் சேவாக் கரங்கள் நிறுவனர் பா.மு. ஜலாலி அவர்கள் கொடுத்த புகார் மனுவை ஏற்று, விசாரணை நடத்தி நடவடிக்கை எடுத்த தமிழ்நாடு அரசு பேருந்து கழகம் ஈரோடு மண்டல துணை மேலாளர் (வணிகம்) கணேசன் அவர்கள் நன்றிக்குரியவர்.

இந்த மாதிரி ஒரு சில அதிகாரிகளே நேரிடையான விசாரணையை மேற்கொள்கிறார்கள் அதன் மூலம் மக்களுக்கு ஏற்படுகிற அசௌகரியங்கள் களையப்படுவதுடன், தவறு செய்தவர்கள் மீது நேர்மையான நடவடிக்கையும் எடுக்க முடிகிறது.
---------------------------------------
சகோதரர் பாலப்பா ஜலாலி போன்றோர் இந்த மாதிரியான புகார்களை முறையாக, ஆதாரத்தோடு, சாட்சியோடு மேலிடத்திற்கு தெரியப்படுத்தினதால் அந்த புகார் முறையாக விசாரிக்கப்பட்டு நடவடிக்கை எடுத்திருக்கிறார்கள்.

இப்படியான பொது தொண்டுகளை செய்யும் சகோதரர் பாலப்பா ஜலாலி அவர்கள் மற்றும் அவர்களை சார்ந்தவர்களுக்கு நன்றி மட்டும் சொல்லி விட்டிடாமல் அவர்களுக்கு, அவர்களுடைய தொண்டுகளுக்கு நமது முழு ஆதரவை என்றும் கொடுக்க வேண்டும்.
--------------------------------------
மேலும் சகோதரர் சாளை. ஜியாவுதீன் அவர்கள் கருத்து பதிப்பின் மூலம் 'மக்கள் சேவாக் கரங்கள்' சங்கத்தில் உறுப்பினர்கள் அதிகம் இல்லை என்பதாக தெரிகிறது.

சகோதரர் பாலப்பா ஜலாலி அவர்கள் முயற்சித்து உறுப்பினர்களை சேர்க்கலாமே? அதற்கு நாமும் ஆதரவு கொடுத்து அதன் மூலம் பொது தொண்டுகளை விரிவடையச்செய்து, மக்கள் பயனடையலாம்.
--------------------------------------
அவர்களின் மேல் என்ன நடவடிக்கை எடுக்கப்பட்டது என்பதை நாம் ஆராய வேண்டிய தேவை இல்லை, காரணம் இது கிரிமினல் குற்றமில்லை. மேலும் சகோதரர் பாலப்பா ஜலாலி அவர்கள் கொடுத்த புகாரில் நடத்துனர் மீதே புகார் கொடுத்திருக்கிறார்.

ஆனால் பேருந்து கழக மேலாளர் முறையான செயலாக, பேருந்தில் பணி புரிந்த ஓட்டுனர் மற்றும் நடத்துனர் இருவர்மீதும் உரிய நடவடிக்கை எடுக்கப்பட்டிருக்கிறதாக அவருக்கு பதிலளித்திருக்கிறார். அதுவும் எழுத்துப்பூர்வமாக இதுவே நமக்கு பெரிய ஆவணமாகும்.
--------------------------------------
மக்களே!

இது போன்ற அசௌகரியங்கள் ஏற்படும்போது சும்மா இருந்துவிடாமல் அவைகள் சம்பந்தப்பட்ட அதிகாரிகளுக்கு முறையாக எழுதி போட்டு நிவர்த்தி செய்துகொள்ளுங்கள்.

அப்படி செய்வதற்கு உங்களுக்கு வழிமுறைகள் தெரியவில்லை என்றால் சகோதரர் பாலப்பா ஜலாலி போன்றோரை அணுகுங்கள்.

அவர் தரும் ஆலோசனைபடி விவரங்களை உண்மையாக கூடுதல், குறைவின்றி அதிகாரிகளுக்கு தெரியப்படுத்தினால் இன்ஷா அல்லாஹ்! அவர்கள் தக்க நடவடிக்கை எடுப்பார்கள்.

சகோதரர் பாலப்பா ஜலாலி அவர்களின் பொதுப்பணி சிறக்கவும், மேலும் அவர் போன்று பலரும் உருவாகவும் எல்லாம் வல்ல அல்லாஹ்! கிருபை செய்வானாக ஆமீன்.

வஸ்ஸலாம்.