IP: 37.*.*.* Saudi Arabia

இன்னா லில்லாஹி வ இன்னா இலைஹி ராஜிஊன்.

மக்கி மாமா உடைய மரண செய்தியை படித்ததும், அமர்ந்து இருந்த நாற்காலிக்கு அடியில் ஏதோ ஒரு நடுக்கம் உண்டானது. இன்னும் அது மாறவில்லை.

எனக்கு அடுத்த வீடு. என் தம்பி கனி முஹம்மது உடைய மாமனார். தினமும் பலமுறை சந்திக்கும் முகம். யா அல்லாஹ்.

மெலிந்த தேகத்தில், இலக்கிய மனதுடைய, இரும்பு மனிதர்.

கடமையில் கண்டிப்பும், சுத்தமும், நேர்த்தியும், நேர்மையும் கொண்டவர்கள்.

தவறு செய்பவர்களை கண்டால் நேரடியாக, கோபம் கொண்டு கண்டிக்க தயங்காதவர். மனதில் வன்மம் இல்லாதவர்.

காலையில் தன் பேரப்பிள்ளைகளோடு, பள்ளிக்கூட பைகளை கையில் வைத்துக்கொண்டு, விஸ்டம் பைள்ளிக்கூட வாகனத்தில் செல்லும் அழகு கண்ணில் நிற்கின்றது.

யார் சண்டை போட்டாலும் பிடிக்காது. உடனே சமாதனம் செய்து வைத்து, பிரச்சனைக்கு முற்றுப்புள்ளி வைப்பார்கள் .அவர்கள் அடிக்கடி உதிக்கும் வார்த்தை " சரி விடுப்பா ... சரி விடுப்பா ..." என்றே இருக்கும்.

நகைசுவை உணர்வு மிக்கவர்கள். சில சமயம் அவர்கள் கூறிய ஜோக்குகள் சில நாட்களுக்கு பின்பு புரிந்து சிரிக்கும் அளவு கூட இருக்கும்.

சில மாதங்களுக்கு முன்பு, அவர்களுடைய அருமை மகன், எனது நண்பன் எம்.ஐ.முஹம்மத் நூஹ், இருதய பிரச்சனையில் மிகவும் கஷ்டப்பட்டு, அல்லாஹ்வின் உதவியால் மீண்டு வந்துள்ளார். அந்த நிகழ்வுக்கு பின்பு தான், மக்கி மாமா அவர்கள் மிகவும் கவலைப்பட்டு, நொடிந்து போனார்கள், இரும்பு மனித உடம்பில் துரு பிடிக்க ஆரம்பித்துள்ளது.

ரிடையர்ட் வாழ்க்கைக்கு பின்பும், மீண்டும் ஸ்ரீலங்கா செல்லனும், வாணிபம் செய்யனும், மகனுக்கு நல்ல ஓர் ஏற்பாடு செய்யனும் என்று கூறி வந்துள்ளார்கள்.

இவர்களின் மறைவுக்கு வலைத்தளத்திலும், சமூக தளங்களிலும் நம் சகோதரர்கள் பதிந்துள்ள கருத்துகளையும், துஆக்களையும் பார்த்து, மாமா அவர்களுக்கு சுவனம் நிச்சயம் என்று அறிய முடிகின்றது. இன்ஷா அல்லாஹ். அல்ஹம்து லில்லாஹ்.

அனஸ் (ரலி) அறிவித்தார்கள்.. ஒரு முறை, மக்கள் ஒரு ஜனாஸாவைக் கடந்து சென்றபோது, இறந்தவரின் நற்பண்புகளைப் பற்றிப் புகழ்ந்து பேசினார்கள். அப்போது நபி(ஸல்) அவர்கள், 'உறுதியாகிவிட்டது" என்றார்கள்.

மற்றொரு முறை வேறொரு (ஜனாஸாவைக்) கடந்து சென்றபோது மக்கள் அதன் தீய பண்புகளைப் பற்றி இகழ்ந்து பேசலாயினர். அப்போதும் நபி(ஸல்) அவர்கள், 'உறுதியாகிவிட்டது?' எனக் கூறினார்கள்.

உமர்(ரலி) 'எது உறுதியாகிவிட்டது?' எனக் கேட்டதும் நபி(ஸல்) அவர்கள், 'இவர் விஷயத்தில் நல்லதைக் கூறிப் புகழ்ந்தீர்கள்; எனவே அவருக்கு சொர்க்கம் உறுதியாகிவிட்டது. இவர் விஷயத்தில் தீயதைக் கூறினீர்கள். எனவே இவருக்கு நரகம் உறுதியாகிவிட்டது. ஆக நீங்களே பூமியில் அல்லாஹ்வின் சாட்சிகளாகவீர்கள்" எனக் கூறினார்கள்.

( ஸஹீஹ் புஹாரி 1367 )

இவர்களின் இழப்பு எங்கள் குடும்பத்திற்கும், ஜாமிஉல் அஜஹர், ஐ‌ஐ‌எம், விஸ்டம் பள்ளிக்கூடம் மற்றும் நம் ஊருக்கும் பெரும் இழப்பு.

கிருபை யுள்ள வல்ல அல்லாஹ் இவர்களை ஜன்னதுல் பிர்தௌஸ் என்ற சுவனத்தில் காணும் அறிய வாய்ப்பை நமக்கு தருவானாக.

அனைவர்களுக்கும் அழகிய பொறுமையை தருவானக.

அன்பு நண்பா நூஹு, உன் தந்தையை விட, உன்மீது கணக்கில் அடங்கா அளவு அன்பு வைத்துள்ள அல்லாஹ்வின் அருள் உங்களுக்கும், எங்களுக்கும் உள்ளது கவலைப்படாமல் பொறுமையுடன் இரு.

கண்ணீருடன்,

சாளை எஸ்.ஐ.ஜியாவுத்தீன், அல்கோபார்.