IP: 163.*.*.* Japan

வெளிப்படையான நிர்வாகம் மக்களின் பணத்துக்கு மக்களுக்கு கணக்கு சொல்லவேண்டுமே என்ற உணர்வு - எல்லாவற்றுக்கும் மேலாக அல்லாஹ்வுக்கு பதில் சொல்லவேண்டுமே என்ற அச்ச உணர்வு இவை மனிதனுக்கு முக்கியம் குறிப்பாக முஸ்லிம்களுக்கு மிக அவசியமான ஒன்று. இந்த வகையில் KCGC யின் அணுகுமுறை பாராட்டுக்குரியது.

இதேபோல் IQRA நிறுவனமும் தங்கள் வரவு செலவு கணக்குகளை சமர்ப்பித்து மக்களிடம் பாராட்டுக்களை பெற்று வருகிறது. பொதுவாகவே முஸ்லிம்கள் வக்ப் சொத்துக்கள் முஸ்லிம்களாலேயே சூறையாடப் பட்டு வரும் வேதனையான செய்திகளை பார்க்கிறோம்.

பள்ளிவாசல் நிர்வாகங்கள் பள்ளி வாசல் செலவினங்களுக்கு பணம் பற்றாக் குறையாக இருக்கிறது, தாரளமாக தந்து உதவுங்கள் என்று மஹல்லா வாசிகளிடம் கேட்கிறார்கள். அநேகமான பள்ளிவாசல்களில் மாதா மாதம் ஏற்படும் வரவு செலவு கணக்குகள் துண்டு விழும் தொகைகள் ஜூம்மா வசூல்கள் என்று இவை எதுவுமே மஹல்லாவாசிகளுக்கு தெரியும் படி நோட்டிஸ் போர்டில் போடும் வழக்கம் இல்லை.

யாராவது கேட்டால் அவர்களை மேலும் கீழும் பார்ப்பதும் அவர்களை உதாசீனப் படுத்துவதும் வக்ப் போர்டு இந்த கணக்குகளுக்கு வரி விதிக்கிறார்கள் எனவே இதை வெளிப்படையாக வெளியிட இயலாது என்று சொல்லி நம் வாயை அடைத்து விடுகிறார்கள். சிலர் இவன் கொடுப்பதே சில ஆயிரங்கள் இவன் வந்து கணக்கு கேட்பதா என்று அவர்களை அசட்டை செய்வது இவை எல்லாம் நம் கண் முன்னால் நடந்து கொண்டிருக்கும் அன்றாட நிகழ்வுகள்.

ஆனால் நபிமார்களில் அரசாட்சியும் செல்வமும் அளிக்கப் பட்ட சுலைமான் நபி அவர்கள் சுவர்கத்துக்கு கடைசியாக வந்து சேர்வார்கள். நபி தோழர்களில் வாரி வாரி வழங்கிய வள்ளல் அப்துர் ரஹ்மான் இப்னு அவ்ப் அவர்கள் சொர்க்கத்துக்கு கடைசியாக வந்து சேர்வார்கள்.

இவர்கள் எல்லாம் ஏன் அப்படி என்று கேட்டால் அவர்கள் அல்லாஹ்விடம் கணக்கு கொடுக்க வேண்டி இருந்தது என்று உலமாக்கள் சொல்லிக் காட்டுவார்கள். அந்த உத்தமர்களே அப்படி என்றால் நமது கதை என்ன என்று எல்லோரும் எண்ணி பார்க்க கடமைப் பட்டிருக்கிறோம்.

KCGC அமைப்பினருக்கும் அவர்களுக்கு உதவிக் கரம் நீட்டி ஏழைகள் வீடுகளில் விளக்கேற்றி வைத்தவர்களுக்கும் அல்லாஹ் மென்மேலும் ரஹ்மத்தும் பரக்கத்தும் செய்வானாக. இந்த சேவை தொடர்வதற்கு நமது நெஞ்சம் நிறைந்த வாழ்த்துக்களும் து ஆ க்களும்.