Re:...வாழ்த்துக்களும் து ஆ க்களும் posted bymackie noohuthambi (kayalpatnam )[19 May 2016] IP: 163.*.*.* Japan | Comment Reference Number: 43884
சகோதரர் அபூபக்கர் வெற்றி பெறவேண்டும் கடையநல்லூர் சட்டமன்ற உறுப்பினராக அவர் கோட்டையில் அமர வேண்டும் அதன் மூலம் கடையநல்லூர் மட்டுமின்றி அவர் பிறந்த மண்ணான காயல்பட்டினமும் அவர் சார்ந்துள்ள இஸ்லாமிய சமுதாயமும் பயன்பெற வேண்டும் என்று அல்லாஹ்விடம் இறைஞ்சியவர்களில் நானும் ஒருவன்.
அவர் முஸ்லிம் லீக் வேட்பாளராக தேர்ந்தெடுக்கப் பட்டபோதும் தேர்தல் நாள் அன்றும் அவருக்காக து ஆ க்கள் செய்து அவருக்கு வாழ்த்து செய்தியும் குறுஞ்செய்தியாக அனுப்பிக் கொண்டிருந்தேன்.
இன்று காலை முதல் கடையநல்லூர் மெர்குரி ஏற்றமும் இறக்கமுமாக இருந்தபோது நமது இதயமும் அப்படி மேலும் கீழும் அடித்தது. இறுதியாக வந்த செய்தி நம் எல்லோர் உள்ளங்களிலும் பாலை வார்த்தது நிம்மதி பெருமூச்சு விட்டு அல்லாஹ்வை புகழ்ந்து அவருக்கு வாழ்த்து செய்தியும் அனுப்பினோம். அல்ஹம்து லில்லாஹ்.
அவர் வேட்பாளராக அறிவிக்கப் பட்ட பிறகு அவரை எதிர்த்து களமிறங்கும் வேட்பாளர்களை பற்றி நான் எண்ணும் போது மாற்று மதத்தவர்களை விட இஸ்லாமியர்களே அவருக்கு எதிராக களம் இறங்கும் கண்ணறாவியை எண்ணி வருத்தப் பட்டேன்.சுமார் 6-7 முஸ்லிம்கள் அவருக்கு எதிராக களத்தில் நிற்கிறார்கள்... எப்படி கரையேற போகிறாரோ என்று ஒரு பக்கம் திக் திக் என்று மனம் பதைபதைத்தது.
இந்த வெற்றி கணக்கை பார்க்கும்போது அவரை எதிர்த்து களம் இறங்கிய போலி முஸ்லிம் லீக் சகோதரர் -ஷேக் தாவூத் அவர்கள் - டெபொசிட் இழந்து செய்வதறியாது திகைத்து நிற்கும் மக்கள் நலக் கூட்டணி முதல் அமைச்சர் கனவில் மிதந்த விஜயகாந்த் கட்சியை சார்ந்தவர் ஆகிய இருவரும் பெற்றுள்ள வாக்குகளையும் தாண்டி சகோதரர் அபூபக்கர் வெற்றி வாகை சூடி இருக்கிறார் என்றால் அது அல்லாஹ்வின் மிகப் பெரும் கருணைதான்.
அவருக்காக முஸ்லிம்கள் கேட்ட து ஆ க்கள்தான். சகோதரர் PHM ஹபீப் முஹம்மது அவர்கள் அருந்தவப் புதல்வன் ஹாஜி முஹம்மது இஸ்மாயில் அவர்கள் ஆசைப் பட்டு களம் இறங்கி அவருக்காக பரப்புரை செய்து ஊர் திரும்பும் வழியில் ஷஹீதாகினாரே அவருக்காகவும் அல்லாஹ் இவரது வெற்றியை தந்திருக்கிறான் என்றே நான் நினைக்கிறேன்.
எல்லாம் வல்ல அல்லாஹ் சகோதரர் அபூபக்கர் அவர்களுக்கு நீடிய ஆயுளையும் உடல் ஆரோக்கியத்தையும் வழங்கி இந்த சமுதாயத்துக்கு நல்ல பல சேவைகள் செய்வதற்கு இந்த சட்டமன்ற உறுப்பினர் பதவியை ஒரு கருவியாக பயன்படுத்துவதற்கு அருள்புரிவானாக.
சிங்கத்தை அதன் குகையின் வாசலிலேயே சந்தித்து வெற்றி வாகை சூடி வந்துள்ளீர்கள். வாழ்த்துக்கள்.
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
Japan
