IP: 163.*.*.* Japan

காயல்பட்டினம் மக்கள் மிக சாதுவானவர்கள் அவர்களுக்குள் அடித்துக் கொள்வார்கள் பொது விஷயங்கள் என்று வரும்போது ஒதுங்கி கொள்வார்கள் என்பதை இவர்கள் நன்கு நமது நாடி பிடித்து தெரிந்து வைத்திருக்கிறார்கள்.

உண்மை அதுவல்ல என்பதை இந்த நாட்டுக்கு உணர்த்தியவர்களும் இதே காயல்பட்டினத்து மக்கள்தான். 1992இல் மீன்கடை போராட்டம் என்று ஒரு குண்டு வெடித்தது இன்னும் இவர்கள் மறந்திருக்க மாட்டார்கள்.அப்போது எல்லோரது வாயிலிருந்தும் வந்த வார்த்தைகள் என்ன தெரியுமா.... காயல்பட்டினதுக் காரர்களா,, எப்படி இப்படி துணிந்து களம் இறங்கினார்கள் சிறைகள் நிறைந்து விட்டதே. எங்கு பார்த்தாலும் மயான அமைதி பயம் இந்த ஊரில் நிலைகொண்டிருந்தது.

பாளையம்கோட்டை சிறையில் நாங்கள் 103 பேர் இருந்தோம். எல்லோரும் வன்முறையை கையில் எடுத்தவர்கள் இல்லை ஆனால் அப்பாவிகள் என்று பார்வைக்கு தெரிந்தாலும் அவர்களுக்கு எங்கிருந்தோ ஒரு துணிவு வந்தது. இளைஞர்கள்தான் அதிகம். அப்போது இங்கே எழுதப்பட்ட செய்திதான்....

''சாது மிரண்டால் காடு கொள்ளாது'' என்ற வைர வரிகள்.

இன்று கலைஞர் ஒரு செய்தி வெளியிட்டுள்ளார்கள். 1965 இல் இந்தி எதிர்ப்பு போராட்டம் போல் சம்ஸ்கிருத எதிர்ப்பு போராட்டம் வரும் அதற்கு வழி ஏற்படுத்தாதீர்கள்.

உண்மைதான் வன்முறைக்கு வித்திடுபவர்கள் ஆட்சியாளர்கள்தான். அவர்கள் விதி மீறல்களை கண்டும் காணாமல் இருக்கும்போது நீதி மன்றங்கள் அநியாயங்களை தட்டி கேட்காமல் கண்ணை மூடிக் கொண்டிருக்கும்போது இந்த மாதிரி புரட்சிகள் வெடிக்கும். கண்கெட்டபிறகு சூரிய நமஸ்காரம் செய்யாதீர்கள். நியாயமான வழியில் பயணியுங்கள்.

பேருந்து ஓட்டுனரும் நடத்துனரும் மனிதர்கள்தான் அவர்களுக்கும் அம்மா அப்பா சகோதர சகோதரிகள் மனைவி மக்கள் என்று இருக்கிறார்கள். உங்களிடம் கையில் எல்லாம் இருப்பதாக நினைக்காதீர்கள். நாளை வெறும் கையுடன் வீட்டுக்கு போக வேண்டி வரும் நீங்கள் செய்த அநியாயங்களை அன்று நினைத்துப் பார்ப்பீர்கள் அதற்கிடையில் காலம் கடந்திருக்கும். அப்போதும்கூட இந்த காயல்பட்டினம் மக்கள் உங்கள் உதவிக்கு வருவார்கள். அவர்களது சொந்த வாகனங்களில் உங்களை மருத்துவமனையில் சேர்த்து சொந்த பணத்தில் சிக்கிச்சை செய்து உங்களை வீட்டுக்கு அனுப்புவார்கள்.

எனவே இந்த நாளை ஒரு எச்சரிக்கை மணியாக எடுத்துக் கொள்ளுங்கள்...

நடந்தவை நடந்தவைகளாக இருக்கட்டும் இனி நடப்பவை நல்லவைகளாக இருக்கட்டும் .